16-inik ukiullip saqqummersitaa Nuummut pivoq - maanna politikerinut oqariartuutitaqarpoq
Nuutoqaq Nuuk Lokalmuseumimi Inuusuttut maligassiuilluartut oqariartuutaat pillugu Michelle Thårup Andersenip suliniutaa sapaatiuppat takusarneqarsinnaanngussaaq.
16-inik ukiullip Michelle Thårup Andersenip inuusuttut aqqaneq-marluk maligassiusutut isigisani apersorsimavai.
Maanna saqqummersitaq videotalik aamma assitaqartoq Nuummut annguppoq.
Inuussuttut maligassiuisut aqqaneq-marluk assigiinngilluinnarput, taamaattumillu assigiinngitsunik nukittuffeqarlutik. Taamaammat aamma peqatiminnut minnerunngitsumillu inersimasunut assigiinngitsunik oqariartuuteqarput.
Taamaalilluniluni saqqummersitsineq qineqqusaarnerup nalaani tulluarunarpoq. Siornami oktobarimi Qaqortumi saqqummermat, Michelle Thårup Andersen ima oqarpoq:
- Naalakkersuinikkut suliaqartut amerlanerpaat ajortut oqaluuserineqarusarpaat, atukkallu qanoq pitsanngortissinnaanerlugit naammaginanngitsumik sammisarlugit. Taamaammat maligassiuisut pitsaasunik oqariartuutaannik saqqummiussinissaq pingaaruteqarpoq.
Ullumikkut tallimanngornermi 6. april ualikkut pingasunut matoqqasumik maligassiuisunut immikkullu qaaqqusanut ammaanersiortoqarumaarpoq.