Aasiaat: Utoqqaat illuanniittut kaallutik innartarsimasut
Aasiaanni utoqqaat illuanni najugaqartut unnukkorsiornerminni naammatsillutik nerisimanngikkaangamik kaallutik innartarsimapput. KNR.gl taama allaaserisaqarpoq.
Inatsisartunut Ombudsmandi Aasianni utoqqaat illuannut siumut nalunaarutiginneqqaarani pulaarpoq.
Atukkat isornartut
Ombudsmandilu utoqqaat utoqqaat illuanni, paaqqutarisariaqanngitsunut immikkoortortaqarfeqarnermi saniatigut puigortunngortunut aamma paaqqutarisarialinnut immikkoortortaqarfilimmi, najugaqartut atugaannik isornartunik arlalinnik misissuinermini naammattuugaqarpoq.
KNR ombudsmandip 2017-imi ukiumut nalunaarutaanik, ukiormanna saqqummertumik atuaqqissaarsimasoq, taama allaaserisaqarpoq.
- Allaffiit ilaanni nillataartitsivimmi ilaanneeriarluni sinnikoqartarpoq, tamatumali saniatigut taamaallaat yoghurtimineqaannartarluni. Taamaattumik najugaqartut unnukkorsiornerminni iluamik qaarsillarsimanngitsut kaallutik innartariaqartarsimapput, ombudsmandip misissuiartorsimaneranit nalunaarusiami ilaatigut taama allassimasoqarpoq.
Ilisimanngikkaa
KNR-ip allaaserinninnera naapertorlugu, igaffiup pisortaata misissuiartortunut nassuiaatitut oqaatigisimavaa, unnukkut unnuakkullu nerisassanik amigaateqartoqartartoq paasitinneqarsimanngisaannarluni.
Igaffiup pisortaata nillataartitsivimmi nerisassaqarnerusalernissaa pilertornerpaamik isumaginiaraa, nalunaarummi tamanna atuarneqarsinnaavoq.
Aasianni utoqqaat illuani najugaqartut igaffiup matoqqanerani nerisassaqartarnissaat ombudmandip inassutigisimavaa. Inassuteqaat tamanna Qaasuitsup Kommunerisimasaata tamanna malissimagaa, Kommune Qeqertalimmi borgmesteri, Ane Hansen, KNR-imut oqaluttuarpoq.
