Nuummi mittarfissaq 1.250 meterinik tallineqaannassanngilaq, aammali miffigiuminarnipilunngussaaq, Kalaallit Airportsini talliliinissamik pilersaarutit piviusunngussappata. 

Taamak oqarpoq Air Greenland mittarfiullu nuunnissaannik isuinilu marlunni minnissamut atortorissaarutinik ILS-systemimik taaneqartartumik ikkussinissamik pilersaarutit nersualaarlugit. Taakku ilaasunut timmisartuni nutaaliaasuni tamani atugaapput. 

Timmisartut ilaasortaatit nutaaliat tamarmik atorsinnaavaat.

- Isumaga malillugu Kalaalit Ai ports silatusaartumik iliorpoq mittarfiup sangutinneratigut taamaalilluni Sermitsiaq ingalanneqarluni. Tamatuma kinguneraa Nuummi eqqortumik minnissamut atortorissaarummik ikkussisoqassaaq. Ullumikkut Nuummi mittarfimmut naleqqiullugu ILS-systemip ikkunneratigut minngitsoortarnerit ikilissapput, tamanna qularutissaanngilaq, Air Greenlandimi pisortaagallartoq Jacob Nitter Sørensen oqarpoq. 

Maannakkut Nuup mittarfiani tunngaviatigut marlunnik mittarfeqarpoq – silaannakkut angallannermi oqaatsit atorlugit - tamatumani mittarfiit isui tamarmik normulerneqartarmata. Minnerit aallarnerillu amerlanersaat mittarfiup kujammut isuanit pisarput, mittarfimmi normu 05-imi, tassaniillunilu aamma mittarfiup illutaa.  

Tamanna Nuummi anorip pissusaanik tunngaveqarpoq. Mittarfiulli kujammut isuani mikkiartornissamut atortorissaaruteqanngilaq.

Timmisartoq tassani missappat timmisartortartut silammut isigalutik mittariaqarput, imaappormi Nuummi avannertillugu sila ersarinnerusartoq. 

Allaaserisaq tamakkerlugu ullumi pingasunngornermi AG aviisimi saqqummertumi atuarsinnaavat. Aviisi uani pisiarinissaanut periarfissaqarputit:

AG Uge 39 2017

Klik her for at læse