Amaqqunik eqqisisimatitsisoqarunnaalerpoq
Amaqqunik eqqissisimatitsineq taamaatinneqalerpoq. Aalisarnermut, Piniarnermut Nunalerinermullu Naalakkersuisoqarfimmi amaqqut piniagaanerat illersugaanerallu pillugit nalunaarut nutaaq suliarineqarpoq
IA-mit Mikivsuk Thomassen Naalakkersuisunut apeqquteqareernerata kingorna akissuteqaammi immikkoortortaqarfimmut naalakkersuisoq Erik Jensen akissuteqarpoq.
- Kalaallit Nunaanni inuussutissarsiutigalugu piniartut ukioq kaajallallugu amarorniarsinnaalissapput, Erik Jensen allappoq.
Taamaattoq Kalaallit Nunaata Kalaallit Nunaata avannaarsuani kangianilu Nuna Allanngutsaaliugassatut Immikkoortitami amaqqut suli eqqissisimatitaassapput.
- Nalunaarummi nutaami pisassiissutit annertunerpaaffissaat aallaavigalugu aqutsisoqassaaq, uumassusililerinermiit siunner-suineq aamma piniartut atuisullu ilisimasaat tunngavigalugu Naalakkersuisunit aalajangerneqarsinnaasumik. Tassani amaqqut nungunneqannginnissaat qulakkeerniarneqarpoq, Erik Jensen nalunaarpoq.
Amaqqut Kalaallit Nunaanni eqqissisimatinneqarnissaat pillugu Namminersornerullutik Oqartussat 1988-imeersoq taarsissavaa.
- Nalunaarutip nutaap ukioq manna atuutilersinneqarnissaa pilersaarutaavoq, Erik Jensen oqarpoq.
Naalakkersuisut amaqqunik kisitsinissamik pilersaaruteqanngitsut aamma ilisimatitsissutigineqarpoq.