Skip to main content

Aqqaluaq: Aalisarnermut inatsit nutaaq mittarfinnut pilersaarummut annertuumik sunniuteqassaaq

Aalisarnermut inatsisissatut siunnersuut akuersissutigineqassappat nunatta karsia aalisarnermit annikinnerusunik isertitsisalissaaq, tamannalu mittarfiit qanoq aningaasalerneqarnissaannut annertuumik sunniuteqassaaq, Aqqaluaq B. Egede isumaqarpoq

Aalisarnermut inatsit mittarfiliornissamillu pilersaarutit imminnut toqqaannartumik atassuteqanngikkaluartut siunissami aalisarnermit isertitat mittarfiliornissamik pilersaarutinut toqqaannartumik sunniuteqassapput.

Taamatut oqarpoq Inatsisartunut ilaasortaq Aqqaluaq B. Egede (IA), taannalu aalisarnermut inatsisissatut siunnersuut pillugu paragraf 37 naapertorlugu naalakkersuisunut arlalinnik apeqquteqarpoq. Sermitsiaq aviisi taama allaaserisaqarpoq.

Qulaajagassarpassuit

– Naalakkersuisut Inatsisartullu aalisarnermut inatsimmut nutaamut siunnersuusiornerisigut nunatta innuttaasalu aningaasarsiornerat aammalu suliassaqartitsineq attussammassuk sorpassuaqarpoq qulaajagassanik, taamaattumillu saneqqunneqarsinnaanngilaq suliaq pillugu pisariaqartunik apeqquteqartoqartarnissaa, Aqqaluaq B. Egede oqarpoq.

Siorna landskarsi aalisarnermit 300 millioner koruunit angullugit isertitaqarpoq, aalisakkallu akii imatorsuaq allanngussanngippata naatsorsuutigineqarpoq ukioq manna taamatut amerlatigipajaartut isertinneqarumaartut, Aqqaluaq B. Egedep oqarneratut mittarfinnut akiliutigineqaqataasussanik.

Aalisarnermit isertitat

– Mittarfinnut pilersaarutit aningaasalerneqarnissaallu eqqartorneqartillugit aamma aalisarnermit isertitat isumalluutigineqassapput, aalisarnermulli inatsit allanngortinneqarpat selskabersuit, ukiut tamaasa millionerpassuarnik landskarsimut isertitsisartut, isertittagaat aamma ikileriassapput. Tamanna pissaaq, pissutigalugu selskabersuit tamakkua pisassaminnik arsaarneqassammata selskabinullu nutaanut tunniullugit, Aqqaluaq B. Egede oqarpoq.

Taanna isumaqarpoq aalisarnermut inatsisissatut sunnersuummik nutaarluinnarmik sanasoqartariaqartoq tamarmik isumaqatigisinnaasaannik, pissutigalugu aalisarnermut inatsisissatut siunnersuut tamanit isumaqatigineqanngimmat.

Aqqaluaq B. Egedep Sermitsiami apersorneqarnera tamaat atuaruk, taanna uani ataani linki aqqutigalugu isissutissarsiffigisinnaavat:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER