Arnat inuusunnerusut qaratsamikkut aanaartoortartut
Kalaallit amerlanerujartuinnartut qaratsaminni taqqamikkut milittoortarput imaluunniit qaratsamikkut aanaartoortarlutik.
Nunatsinni ukiumut inuit 80-it missaanniittut qaratsamikkut aanaartoornermit eqqugaasarput. Taakku ilarpassui arnaasarput – inuusuttut.
AG taama allaaserisaqarpoq.
Tamatuminnga misissuinermit nutaamit kisitsisit pissarsiarineqarput.
Kalaallit arnat inuusunnerusut qallunaat arnartaannut sanilliullutik taama eqqugaanissamut aarlerinartorsiornerusut, sanilliussinikkut paasinarsivoq.
Tamatumunnga peqatigitillugu kisitsisit, Nuummi Dronning Ingridip Peqqissaaviani katersorneqarsimasut takutippaat, arnat angutillu qaratsamikkut aanaartoortartut amerlaqatigiiginnangajattut. Tamatumunnga sanilliullugu Danmarkimi angutit arnanit amerlanerujussuit qaratsamikkut aanaartortarput.
Tamanna pillugu AG-mi paasisaqarnerusinnaavutit, tassani aamma arnap qaratsamigut aanaartoornermi kingorna inuunerminut qanoq sunniuteqarsimanersoq oqaluttuarpoq: