Arsaannermi GM: Unamminerit pingaarutillit tullinnguupput
Timersoqatigiiffiit arlaannaalluunniit suli semifinalimut anngutinngillat GM-ertoqarnerani. Ullumi pingasunngornermi unamminerit paasitissinnaavaat kikkut ingerlaqqissanersut
Timersoqatigiiffiit pingasut isikkamik arsaannermi GM-ertoqarnerani semifinalimut anngunnissamut periarfissagissaarluarput.
Pulje A-mi Ilulissanit Nagdlunguak' siuttuuvoq. Kagssagssummut Maniitsumeersumut marlunngormat 5-0-imik ajugaapput. Qasigiannguanit Kugsak 45 ullumi pingasunngornermi unammissavaat, tassani Nagdlunguak' ajugaassaguni semfinalimut anngutissapput.
NÛK, UB-83 aamma Kagssagssuk semifinalimut anngunnissamut suli periarfissaqarput, Kugsak 45 semifinali tikissinnaajunnaareeraa.
Pulje B-mi B-67 marloriarluni unammereernermini siuttuuvoq. Ippassaq marlunngornermi B-67 unamminngilaq. K-33-mut ullumi ajugaassagunik semifinalimut anngunnissartik qulakkiissavaat.
Ukioq kingulleq pissartaasut IT-79 aamma semifinalimut anngunnissamut periafissagissaarluarpoq. Ippassaq G-44-mut 4-2-mik ajugaavoq, ullumilu Eqaluk 54-imut ajugaasinnaaguni semifinalimut anngutissaaq.
Marlunngornermi unamminerit:
Pulje A:
- Kagssagssuk - Nagdlunguak: 0 - 5
- NÛK - Kugsak 45: 5 -1
Pulje B:
- K-33 - Eqaluk 54: 6 - 2
- G-44 - IT-79: 2 - 4
Pingasunngornermi unamminerit:
Pulje A:
- Kl. 13.30: UB-83 - Kagssagssuk
- Kl. 17.30: Kugsak 45 - Nagdlunguak'
Pulje B:
- Kl. 15.30: B-67 - K-33
- Kl. 19.30: IT-79 - Eqaluk 54
Inisseqqagallernerit:
