Assit takukkit: Simon Lynge Aarhusimi tusarnaartitsivoq
Simon Lynge Aarhusimi tusarnaariartoqarluarluni tusarnaartitsivoq
Camilla Lyberth Grunnet
Simon Lynge ataasinngornermi Aarhusimi Kalaallit Illuutaanni tusarnaartitsigami inersuaq ulikkaaqqavoq.
- Simon guitarimini nipiminillu silarsuarmik qanilaarfiusumik pilersitsisarpoq, peqatigalugu nuannaalersitsisarpoq, Kalaallit Illuutaannit tamanna allaatigineqarpoq.
- Ini ulikkaaqqavoq, Simonilu nipilersukkat akornisigut oqaluttuallattaarnerata unnuk ataatsimoorfiutippaa. Nipilersugaq kingulleq ataatsimut erinarsorneqarpoq, inimiittut tamarmik nikuillutik uteqattaartumik erinarsoqatigiipput.
Simon Lynge aamma SPOT on Greenlandimi tusarnaartitsissaaq, 9.-11. maj Odensemi, Aarhusimi aamma Aalborgimi.