Avittut aatsaat taama amerlatigisut
Kalaallit Nunaat kisermaat pikialaffigaat. Amerlasoorujussuupput. Angutit arnanit amerlanerullutik. Avittartut suli amerliartorput.
Ingerlaqatigiinneq nuanneqaaq. Kisianni qularnanngitsumik taamaaliortarneq sivitsorpallaartarnagu.
Naatsorsueqqissaartarfimmit kisitsisit nutaarluinnaat naapertorlugit ullumikkut Kalaallit Nunaanni inuit 3.926-t avissimapput.
AG allappoq.
Taakkunannga kisermaat 309-t nunatsinni nunaqarfinni najugaqarput.
Kisitsisit taakkua aatsaat taama qaffasitsigeqqooqaat.
Siorna 2017-imi, avissimasut inuit 3.877-iupput, tassa ukiumi ataatsimi kisermaat 49-nik amerlisimapput.
Taakkuinnaat isigigaanni amerleriaatit ingasaginanngillat, piffissarli sivisunerusoq qiviaraanni ileqqunngoriartortup suunera erseqqippoq. Naatsorsueqqissaartarfiup tabeliliaani 2011 kingumut aallartiffigineqarpoq, taamani avissimasut ullumikkumit 375-inik ikinnerupput.
Nalinginnaasumik imaappoq Kalaallit Nunaanni angutit arnallu amerlanerpaat katissimanatik inooqatigiittarlutik imaluunniit kisermaatut inuusarlutik. Inuit katissimasut ikiliartuinnavipput. 2011-p kingorna inuit katissimasut 800-nik ikileriaateqaramik. Kisitsit taanna maanna 14.256-iuvoq. Inuit katissimanngitsut 35.925-upput, taakkunannganiillu angutit amerlanerpaajullutik.
Allaaserineqartoq aviisimi AG-mi tamakkiisumik atuarneqarsinnaavoq. Aviisi uani pisiariuk: