Skip to main content

AWG: Sulorartartut unamminerit tamaasa ajugaaffigaat

Sulorartartoq Tina Amassen Rafaelsen AWG-eqataanerani ingerlalluarsimaqaaq. Taassuma unamminini tamaasa ajugaaffigisimavai

- Artic Winter Gameseqataanera oqippoq. Unamminerni suli ajorsanngilanga.

Sulorartartoq Tina Amassen Rafaelsen Aasiammiu, AWG-mi unammiuaarnerni ilaatigut marloriarluni 21-0-mik, 21-0-mik ajugaasimasoq, oqarpoq.

- Aatsaat Canadamiippunga. Tamaani orpeqarpoq pisiniarfiillu Nunatsinniit akikinnerujussuupput taamaammat tamaaniinnera nuannareqaara, sulorartartoq 14-inik ukiulik oqarpoq.

Taassuma aamma oqaatigaa, arlalinnik ikinngutitaartorsimalluni.

- Nunatsinni tuluit oqaasii ulluinnarni atorneq ajoratsigit ikinngutitaat tuluttut oqaloqatigalugit assut nuannerpoq. Peqataanera ataatsimut isigalugu misigisaqarfiungaatsiarpoq – suna tamarmi misigisartakkanniit allaaneruvoq, Tina Amassen Rafaelsen oqaluttuarpoq.

- AWG-mut aallannginnerni qassinik medaaliannassallutit naatsorsuutigisimaviuk?

- Medaaliannannissara eqqarsaatigisimanngilara, kisianni pingasunik kuultinnannissara eqqarsaatigisimavara. Taamalu angusaqarnissannut periarfissaqalerpunga, Tina Amassen Rafaelsen ukioq kingulleq Danmarkimi sulorarluni pissartanngorniuunnermi pissartanngorsimasoq, oqarpoq.

Taanna ullumi tallimanngornermi singlemi, doublemi mixdoublemilu semifinaalissaaq. Medaaliannanniuunnerit arfininngorpat ingerlanneqassapput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER