Skip to main content

Borgmesterit kimigiiserput: Suliaq aallartinniarsiuk

Borgmesterit Kiista P. Isaksen (S), Asii Chemnitz Narup (IA) aammalu Palle Jerimiassen (S), tamarmik kommuniminni kommunalbestyrelsemi ilaasortat amerlanerpaat tunuliaqutaralugit oqaasissaqarnerpaasuugaluarpata, Nuummi, Ilulissani aammalu Qaqortumi mittarfinnik sanaartornissat piaarnerpaamik aallartinneqassagaluarput

Sermitsiap paasisai naapertorlugit borgmester Asii Chemnitz Narup (IA) borgmestereqatiminut saaffiginnissimavoq mittarfissuarnut pilersaarutit attatiinnarneqarnissaat anguniarlugu suleqatiserinnilluni, maannalu kommunit misissuleruttorpaat suleqatigiinneq taamaattoq aqqutigalugu peqatigiilluni, pingaartumik – inatsisartuni partiit ilaasa tungaannut – suli tusiattumik isummersortunut, mittarfissualiornissanik sulissutiginninnermut tunngatillugu sunniiniaqatigiinnissaq aqqutissaassanersoq.

Aviisi Sermitsiaq taama allaaserisaqarpoq.

Borgmesterit pineqartut isummaminnik ersarissulioreernikuupput, maannali mittarfissualiornissanut pilersaarutit piffissaligaanngitsumik kinguartinneqarnerisa kingorna, maanna sulissutigilerpaat qanimut suleqatigiillutik, nuna tamakkerlugu politikkimik suliaqartunut ataatsimoorlutik paasitinniassallugu Kalaallit Nunarput mittarfissualiornissamut utaqqeqqinnissamut akissaqanngitsoq.

Tatiginassusaa innarlerneqassasoq

– Matumani pineqartoq pillugu Naalakkersuisut isumaqatigilluinnarpavut, tusiattutummi ingerlaannartoqassappat, ineriartorani uninngaannarneq pissutsillu pitsaanngisumut ingerlanerat nanginneqannassapput, taamatuttaaq nunatta politikkikkut aningaasarsiornikkullu tutsuiginassusia tatiginassusialu iluarsiuminaatsumik innarlerneqassasoq, borgmesterit taakku pingasut isumaqatigiillutik oqarput.

Kommuneqarfik Sermersooq assigalugu Avannaata Kommunia 1 milliardit koruunit missaanni nalilinnik aningaasaleerusussinnaasunik utaqqisoqarpoq.

Allaaserisaq tamaat atuaruk, tassani borgmesterit pingasut mittarfiit pillugit suleqatigiinnertik itisilerpaat. Sermitsiamut uani ataani linki atorlugu isissutissarsigit:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER