Skip to main content

Demokraatit Kujalleq nutaanik siulersuisortaarput

Siulersuisunngortut ulinerminni tunngaviusumik angorusuppaat, Kommune Kujallermi tulliani kommunalbestyrelsimut qinersisoqarpat Demokraatineersunik qinigaatitaqarnissaq.

Demokraatit Kujalleq qanittukkut ornigarluarneqartumik ataatsimeersuarpoq, katillugit 28-t peqataapput, ilaatigut ataatsimeeqataallutik Inatsisartunut taamatullu siulersuisuunernut ilaasortat Malene Vahl Rasmussen aamma Randi Vestergaard Evaldsen. Partii tusagassiuutinut nalunaarummi taama ilisimatitsivoq.

- Maannamut siulittaasuusimasoq Sarah Rødgaard siulittaasutut tunuarpoq siulersuisunili ilaasortatut ingerlaannarluni. Sarah Rødgaard kingoraarlugu Sørine Isaksen Lyberth siulersuisuni siulittaasussatut qinerneqarpoq, Demokraatit allapput.

Demokraatit Kujallermi ilaasortat ima katitigaapput:

  • Sørine Isaksen Lyberth, siulittaasoq
  • Ida Vahl, ilaasortaq
  • Sarah Rødgaard, ilaasortaq
  • Malinnguaq Kleist, ilaasortaq
  • Pilu Guldager, ilaasortaq
  • Theo Hoffmeyer, ilaasortaq
  • Ketzia Permien, ilaasortaq

Siulersuisunngortut sulilernissaminnut qilanaartut erseqqissaatigineqarpoq, siulersuisullu sulinerminni tunngaviusumik angorusuppaat Kommune Kujallermi tulliani kommunalbestyrelsimut qinersisoqarpat Demokraatineersunik isertitaqarnissaq.

- Nalunngilarput maani Kujataani imaannaanngitsunik suliassaqartoq. Kujataa qimallugu nuuttartut amerlapput tamannalu unitsittariaqarparput. Taamaattumik pingaartorujussuuvoq maani najugaqalernissaq pilerinartunngortinnissaa. Sulissutigisariaqarparput timersornerup silarsuaa annertunerusoq, meeqqat atuarfiani illut pitsaanerulernissaat taamatullu sulinermi sinaakkutit pitsaanerulernissaat aamma qularnaarusupparput inuutissarsiortut sapinngisamik pitsaanerpaanik atugaqartinneqarnissaat, siulittaasunngorlaaq Sørine Isaksen Lyberth siulersuisunngortut sinnerlugu, taama oqarpoq

Qaqortumi mittarfittaarnissaq pingaarutikkaat

- Tamatuma saniatigut uangutsinnut pingaaruteqarpoq sulissutigiuassallugu Qaqortumi timmisartunut suluusalinnut mittarfissap sanaartorneqarnerata aallartinneqarnissaa. Isumaqarpugut nunap immikkoortua tamarmi taamaasippat siuariartinneqarumaartoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER