Inatsisiliupallannermi mittarfiliornerni avataaniit suliartortut akileraarutitigut immikkut atugassaqartinnerisigut akikinnersiuisoqarsinnaanera, ernumassutigineqarpoq

Ilanngaasersorneqanngitsut

- Inunnut ukiumut 0 kr.-init 280.000 kr.-it akornanni isertitaqartunut akileraarut nalinginnaasoq akileraarutit ilanngaatiginagit aaqqiissut malillugu akileraarummit akilerneqartussamit appasinneruvoq. Tamatumunnga pissutaavoq ikileraarutit ilanngaatiginagit aaqqissuussineq malillugu akileraartartut ilanngaatit ilaannit ilanngaasersorneqanngimmata, tamatumani ilaallutik inummut nalinginnaasumillu ilanngaat, Aqqaluaq B. Egede inatsisissap ullumi pingajussaaneerneqannginnerani akissuteqarpoq.

- Allatut oqaatigalugu aaqqissuussinerup nassatarissavaa sulisartut nunanit allaneersut sulisartunit nunaqavissunit qaffasinnerusumik akileraartinneqartassammata, taanna erseqqissaavoq.

Akileraarutit ilanngaatiginagit aaqqiissummi nunaqavissut unammillerneqarnissaat, aamma ilumuunnginnerarpaa.

Kajummissaaruteqanngitsoq

- Akileraarutit ilanngaatiginagit aaqqiissummi akileraarut immikkut appasissuutinneqanngilaq aammalu aningaasarsiatigut pitsaanngitsumik atugassaqartitsilluni sulisartunit nunanit allaneersunit atorfinitsitsinissamut sulisitsisut akileraartarnikkut kajumissuseqalersinneqassanatik, akissuteqaammi allassimavoq.