Skip to main content

Enoksen: Tikisitat uagutsinnut naleqqussassapput

Nunanit allanit suliartortitat uagutsinnut naleqqussassapput, Hans Enoksen (PN) ullumi Inatsisartuni oqalugiarnermini oqarpoq.

Qinersinissamut ullorititap aalajangiunneqarnerata kingorna partiimi siulittaasut qineqqusaarneq aallarnerlugu oqalugiarnissaminnut periarfissaqartinneqarput. 

Inatsisartut Siulittaasoqarfiata tamanna aalajangiussimavaa.

Nukissarpassuit

Partii Naleqqallu siulittaasuata periarfissaq tamanna tigulluarpaa. Ullumi immikkut ittumik ataatsimiinnermut iserami ilaasortat kiinaat nuannaartorpassuit takullugit oqaluttuaraa.

- Nukissarpassuit annertuut maani katersuussimagigut eqqarsalersippaannga. Ataatsimoorluta Nunatsinni ajornartorsiutit annertuut oqimaatsullu aaqqissinnaavagut, taanna oqarpoq.

Kisianni nukissarpassuit iluminni oqqannermi annaaneqartartut, taanna isumaqarpoq.

- Suleqatigiissinnaanerput annaasimavarput. Nukiit amerlavallaat pissaaneqarniuunnermut atorneqartarput. Kisianni immitsinnut pinngitsoorsinnaanngilagut.

Nammineq nukiit

Tamatuma saniatigut nammineq nukissanit aallaaveqarnissaq pingaartinnerarpaa. Tassunga atatillugu inuusuttut ilinniarluarsimasut misilittagakinnerarlugit killilersorneqartartut isumaqarpoq, tamatumalu saniatigut tikisitanik suliartortitsisoqartarluni.

- Tikisitat uagutsinnut naleqqussassapput. Tikisitanut naleqqussassanngilagut, naak pisortatigoortumik kalaallisut nunatsinni oqaasiugaluartut, pisortat allaffissornerat tamarmi danskisut kalaallisullu ingerlanneqartoq unnersuutigalugu naqissusiivoq.

Partiip Naleqqap Nunarput namminiilivissasoq kissaatigigaa taassuma oqaatigeqqippaa. Taassuma oqarnera naapertorlugu, nammineq oqaatsit aamma kinaassuseq aallaaviussasut piumasaqaataavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER