Skip to main content

Eqqumiitsuliortut aningaasanut inatsit nuannaarutigaat

Eqqumiitsuliornikkut pinngortartitsisut ingerlatsisullu peqatiiffiata, EPI, eqqumiitsuliorneq kulturilu saniatigut 6,5 millionit koruuninik taperneqarnermata naammagisimaarpaat.

Eqqumiitsuliornermut kulturimullu aningaasanut inatsimmi tapiissutit amerlineqarput.

Tupaallaataanngitsumik eqqumiitsuliornikkut pinngorartitsisut ingerlatsisullu peqatigiiffiata, EPI-p, nuannaarutigaa.

- Ukiorpassuanngortuni oqaluuseralugillu anguniakkatut pingaarnertut isigisavut qinikkanit paasineqariartorput. Eqqumiitsuliornikkut assigiinngitsutigut suliaqartut atugarisaasa suliniutiginerini nukippassuarnik piffissarujussuarmillu atuiffioreersimalersut kiisami tusarneqarpugut, EPI-mi siulittaasoq Leif Saandvig Immanuelsen tusagassiuutinut nalunaarummi oqarpoq.

Katillugu eqqumiitsuliornermut kulturimullu tapiissutit 6,5millionit koruuninik ilaneqarput.

Tamatuma saniatigut EPI-p tapiissutit agguaanneqartarnerinut akisussaasunngortinneqarniarpoq. Kulturimut tapiissutit pillugit nalunaarusiortoqassaaq, tamannalu tassani ilaavoq.

- Isumaqatigiissuteqartut nassuiaatissami EPI-p eqqumiitsuliornermut kulturimullu tapiissutit kulturimut tapiissutit ilaannik ilapittuisinnaalluniluunniit allaffissornerupilaanik ingerlatsisinnaanerata nalilersorneqarnissaa kissaatigaa, aappaagu aningaasanut inatsisissamut siunnersuummi tamanna allaqqavoq.

Peqatigiiffiup pisortat aningaasaataannik agguaassisarnerat tigussaguppagu tamanna inatsisip allanngortinneqarnissaanik pisariaqartitsissaaq.

Aamma atuaruk: Eqqumiitsuliorneq kulturilerinerlu aningaasanut inatsimmi immikkoortitsivigineqarput

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER