Skip to main content

Geraint Thomasip Parisimi Tour de France qulakkeerpaa

Geraint Thomas Tour de Franceimi ajugaavoq, Alexander Kristoff amerlasuukkaarluni sukkaniunnermi etapemi kingullermi ajugaasuuvoq.

Sapaammi unnukkut Geraint Thomasip (Sky) ukioq manna Tour de Francertoqarnerani 3351 kilometerit sikkilereerluni tallini kivippai.

Parisimi tikiffissap nallernerata 21. etapep kingorna 32-nik ukiullip Walesimeersup sungaartumik kiatilerluni sikkilerluni unamminermi ajugaavoq.

La Rosiéremi 11. etapemi Thomasip sikkilertartuunermini angusaani annersaasoq uppinnermigut imaluunniit ajutoornermigut taamaallaat taamaallaat pinngitsoorsinnaasimavaa.

Champs-Élyséesimi etape amerlasuut sukkaniunnerasigut naatsorsuutigineqareersutut aalajangerneqarpoq, tassanilu Norgemeersoq Alexander Kristoff (UAE Emirates) sukkanersaavoq, John Degenkolb (Trek) aamma Arnaud Démare (FDJ) siulliuffigalugit.

Qallunaaq Magnus Cort etapemi 14-iulluni apuuppoq.

Etapep kingorna Skymeersut champagnemik skåleerput, tassami iligiit ukiut arfineq-marluk ingerlanerini Tour de Francemi sikkilertartunit assigiinngitsunit pingasunit arfinilissaat ajugaatitaqaramik. Tamatuma saniatigut Skymi sikkilertartut ukioq manna marloriarlutik ajugaatitaqarput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER