Skip to main content

Hash pillugu suliaq: Allakkerivimmi sulisut qitisumik inissisimasut

Nunatta oqaluttuarisaanerani hash pillugu suliani annersaasa ilaannut unnerluussut allagaq maanna piareersimalerpoq, tassani inuit arfineq-marluk hashimik 27-mit kilomit 63 kilomut anngiortumik eqqussuisimasutut unnerluunneqarput.

Hashi pillugu suliami annertuumi unnerluunneqartut arfineq-marluk apriilip16-anni Nuummi eqqartuussisumut sassartinneqassapput, taakku ukiut pingasut aamma qaammatit qulingiluat ukiullu tallimat tikillugit pillagaaratarsinnaapput.

Millioninik iluanaaruteqartut

Unnerluutigineqartut millioninik marlunnik kisitsisitalinnik iluanaaruteqartut, unnerluussummi allakkami atuarneqarsinnaavoq. Eqqartuussiviup pisut katillutik 21-it suliarissavai. Taakkunannga pingasut hashimik anngiortumik eqqussuinermut toqqaannartumik attuumassuseqarput.

Hashi Danmarkimi pisiarineqartarpoq, Københavnimilu adressenit assigiinngitsunit nassiunneqartarlutik. Poortukkat Nuummut nassiunneqaleraangata ingammik Christianshavnimi pisiniarfik Meny Vermlandsgademiittoq aamma pisiniarfik Føtex Jernbane Allemi Vanløsemiittoq atorneqarput.

Unnerluussut allagaq naapertorlugu, piffissami juulip 7-nit 2015-imi ukiorlu taanna novembarip 6-ata tungaanut poortukkat arfinillit, hashinik 2 kilo aamma 200 gram akornanni imalinnik nassiussisoqarpoq. 

Poortukkat hashinik imallit allakkerivimmi sulisunit imaarneqartartut

Hashi nassiussiffigineqartumut apuunneq ajorpoq, tassani unnerluunneqartut ilaat Nuummi allakkerivimmi suligami, politiillu naapertorlugit poortukkat hashitaat tigoriarlugit tuniniaasussanut ingerlateqqinneqartarsimapput. 

Pisumi allami anngiortumik hashimik eqqussuinneq piffissami januaarip aallaqqaataani 2017-imi juulip 24-at 2017 tikillugu allaaserineqarpoq, tassani pisiniarfiit Københavnimiittut allat poortukkanik Nunatsinnut nassiussuiffigineqarput. Poortukkat ilaat ‘’hashimik 7,3 kilonit oqinnerunngitsunik’’ imaqarput, unnerluussummi allakkami tamanna atuarneqarsinnaavoq.

Assigiinngitsunik atuuffeqartut

Unnerluussut allagaq naapertorlugu Taamakannertutigisumik Nunatsinnut eqqussuinertik iluatsinniarlugu, hashimik anngiortumik eqqussueqatigiittut tamarmik immikkut atuuffeqarsimapput. Ilaat hashimik pisiffiusumut Danmarkimut aningaasanik nuussisuupput. Allat poortukkat nassiunneqarnerannik isumaginnipput, allakkerivimmi sulisut poortukkat hashitaanik imaarsinermik suliaqarput, allallut ingerlatitseqqinnermik tuniniaanermillu suliaqarlutik.

Akitsuuserisunit siulliuffigineqartut

Nuummi akitsuuserisut marloriarlutik poortukkat hashinik imaarneqannginnerini siulliuffigisimagaat, unneruluussutissami atuarneqarsinnaavoq. Poortugaq ataaseq 2 kilonik imalik maajip 24-anni akitsuuserisunit tiguneqarpoq. Taamatullu aamma akitsuuserisut juunip 16-anni poortugaq 5 kilonik imalik pissarsiaraat.

Unnerluussisussaatitaasut suliami ilisimannittut arlallit sassartinniarpaat, uppernarsaatillu ilaatigut oqarasuaatikkut oqaloqatigiittunik immiussat saqqummiunneqassallutik.  

Unnerluunneqartunit arfineq-marluusunit tallimat Nuummiuupput, ataaseq Qeqertarsuarmeerluuni, arnarlu ataaseq Upernavimmeersuulluni.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER