Skip to main content

Hashi pillugu suliaq: Ataataasoq pinerluuterpassuaqartoq

Hashi pillugu suliami annertuumi unnerluutigineqartoq pingaarneq, angut unneqarissuunerarpoq, ilaquttaminillu pilersuiniaannarnerarluni

Eqqartuussinermi eqqartuussiviup taasiniarluni tunuannginnerani unnerluutigineqartoq naggataarutaasumik oqaaseqarnissamut periarfissinneqartarput. Tamannalu periarfissaq unnerluussisussaatitaasup hashimi suliami annertuumi angutip tunuliaqutaasutut naliligaata tiguaa.

Taanna angutitut unneqqarissutut ilaqutaqartutut imminut oqaatigivoq, annertuumillu anngiortumik eqqussuisuunnginnerarluni.

- Atisakka takoriarsigit, kuultinik assingusunilluunniit ujameqanngilanga, taanna oqarpoq.

Angutip aamma ilaatigut kissaammertumik nipeqarluni politiinit ajortumik pineqartutut misigisimanini oqaatigaa. Taanna ingammik paniminit mikisumit pulaarneqarnermini kalaallisut oqaluutissanngikkini oqarfigineqarsimanerminut unnersuussivoq. Tamanna pillugu akissutisinnginnami pisoq sakkortusivoq, taassumalu politeeq ‘bøsserøv’-mik aamma ‘fucking danskersvin’-imik taaneranik kinguneqarpoq. Pisumi matumani aamma pisortani oqartussamik eqqunngitsuliorfiginnittutut unnerluutigineqarpoq.

Taassuma pania tassunga pingaaruteqartorujussuusoq ersarippoq, tassani eqqartuussinermi unillatsiarnermi takunissaanut periarfissaqarmat. Taanna niviarsiararlu mikisoq takoqqillutik qiimmaallapput.

Qulit sinnerlugit pinerluuteqarsimasoq

Unneqqarissuunerminik oqariartuuteqarnera upperineqassappat, taava inooriaatsiminik aaqqiisimassaaq. Tassami pinerluutaasa nalunaarsorneqarsimaffiat annertuvoq. Angut taanna qulinit amerlanerusunik ilaatigut nakuusernermut, sioorasaarinermut, tillitanik pisinermut aamma aanngajaarniutinik tuniniaanermut eqqartuunneqartareersimasoq, unnerluussisup Tobias Bergip uppernarsarpaa.

Ingammik politiinut taanna nuanninngitsumik atassuteqarpasippoq, pineqaatissiissutigisimasai arlallit politiinut sioorasaarinerullutillu kanngunarsaanerupput. Suliami aamma ingerlasumi pisup taaneqartup saniatigut pisortani oqartussamut eqqunngitsuliornermut unnerluussaavoq.

Taanna 2014-imi Kalaallit Nunaanni Politiinit pissaanermik atornerluisoqarneranik isumaqaami atsiornernik katersisimasoq, misissuinitta takutippaa.

Nakuusernermut sioorasaarinermullu unnerluussutit nutaat

Suliamut ingerlasumut atatillugu sianissusaanik nalunaarummik suliaqartoqarnikuuvoq. Nalunaarut ersarissumik isumaqatiginngilaa, tamatuma atuarneqarnerani niaqquminik ileqimisaartorluni tamanna takutippaa.

Nalunaarut naapertorlugu allat eqqarsaataannut misigissusaannullu inissinnissani ajornakusoortippaa, eqqunngitsumillu pisuutinneqartutut iliuutsimini utoqqatsisuuvoq.

Suliami ingerlasumi hashimik anngiortumik eqqussuinerup aamma politiinut kanngunarsaarup pingaarnertut  unnerluussutit saniatigut nakuusernermut sioorasaarinermullu unnerluussutit arlaqarput. Pasilliutigineqartut annerpaartaannut pisuunnginnerarpoq, kisianni suliami politiimut tunngasumi aamma sioorsaarinermut suliami ilaatigut pisuunerarpoq.

LÆS OGSÅ: Hashi pillugu suliaq: Unnerluussamut pingaarnermut eqqartuussut sivitsuutaasoq

Nakuusernimi suliat ilaanni unnerluutigineqartut ilaata pisoq videoliaraa, kisianni videomi nakuusertoqarnersoq erseqqarinngilaq.

Unnerluussuussutit ilaanni aappaminut nakuuserneranut tunngavoq. Taasuma eqqartuussivimmi eqqunngitsumik nalunaarutiginnittoqarsimanera oqaatigaa.

Ullut qulit iluanni eqqartuussivik unnerluussutaasunit katillugu 12-init sorlerni – angut pisuutinneqassanersoq aalajangiissaaq.

Naammineerluni eqqartuussivimmut unnerluunneqartut sinneri pisuunngitsutut nalunaarutigeqqullugit kajumissaaruteqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER