IA akiitsuerutilertoq
Ukiuni marlunni sinneqartooruteqarlualaareersimallutik Sara Olsvigip qularinngilaa partiip aningaasaqarnikkut ajornartorsiuteqarnera qanittukkut qaangiutissasoq. Kattuffimmi kikkut tamarmik tamaviaartariaqarput
Nunatsinni partiit annersaata tullia, IA, aningasaqarnikkut erloqinartorsiorsimavoq.
AG aviisi taama allappoq.
Nammineq aningaasaatit amigartooruteqarsimapput. Ajornerpaagallarmat partii 1,7 millioner koruuninik akiitsoqarsimavoq. Aningaasaqarnikkut ingerlanerliulernermut ilaatigut pissutaasimavoq ataatsimeersuarnerit ingerlanneqartarnerat.
Ilorraalli tungaanut aallaqqittoqareersimavoq, siulittaasorlu SaraOlsvig partiip naatsorsuutitigut ataatsimut sinneqartooruteqalernissaanik anguniakkamut isumalluarpoq.
- Ukiup naanerani akiitsuerussimassaagut. Tamanna iluarisimaaqaara. Siulittaasunngorama (2014-imi maajimi, aaqq.) tamanna angunialersimavarput, Sara Olsvig oqarpoq.
Partiip siulittaasuata AG aviisimi apeqqarissaarfigineqarnera tamaat atuaruk. Aviisi uani pisiassaavoq:
