IA-p mittarfinnut siunnersuutaa Kujataanit isornartorsiorneqarpoq
Inuit Ataqatigiinnit mittarfinnut tunngatillugu siunnersuut Kujataanit isornartorsiorneqarpoq
Inuit Ataqatigiit mittarfissanut tunngatillugu siunnersuutertik sisamanngormat siunnersuutaat borgmesterinit assigiinngitsumik qisuariarfigineqarpoq. Qeqqata Kommunianit naammagisimaarneqarpoq akerlianik Kommune Kujallermit aamma Avannaata Kommunianit isornartorsiorneqarluni.
- Inuit Ataqatigiit saqqummiussinermini kingulliussasugut oqaatigineqarpoq, Nuuk salliutinneqarluni. Aamma ukiuliisoqanngilaq qaqugukkut naatsorsuutigissaneripput. Takissusissaa aamma taaneqanngilaq taanna toqqissisimanarinngiivippara, Kiista P. Isaksen KNR-mut oqarpoq.
Qaqortumi mittarfiup taasissutigineqannginnerani sukumiinerusumik misissuiffigineqarnissaa IA-p kissaatigaa. Sara Olsvigip saqqummiussinermini oqaatigaa, Qaqortumi mittarfittaartariaqartoq.
Tamannali Qaqortumit naammagineqanngilaq.
- Inuit Ataqatigiinnit siunnersuutigineqartoq itigartitsissutigineqassasoq neriuutigaara. Aalajangerneqareersut malillugit sulisoqartariaqarpoq, partiilersuukkunnaarlusi nuna tamaat sullinniarsiuk. Tatiginartunik politikkereqalernissaa kissaatigaarput, Hotel Qaqortumi pisortaq Jim Riis tusagassutinut nalunaarummi allappoq.