Skip to main content

Igasa Food Festivalip imminut pilersorneq ukkataraa

Ukiormanna Kujataani Igasa Food Festivalertoqarnerani inuussutissat nunatsinneersut annertuumik ukkatariniarpaat, ukiaru nerisassiornermik festivaalertoqarnissaanut piareersarnerit aallartinneqarput.

Ukioq manna imminut pilersorneq sammineqassaaq. Festivaalip ukioq manna taamaattumik nerisassanik nunatsinneersunik nutaanik pilersitsinissaq ukkatariniarpaa, neriniartarfinnut, niuertunut, aamma avammut tunisassiornermut saqqummiullugit.

Nunatsinnit nerisassiortimit attaveqarneq

- Piareersarluni sulinermi nerisassiortut attaveqarfiginissaat pingaaruteqarpoq. Taamaattumik festivaalimik ingerlatsisut sapaatip-akunnerani 27-mi savaatillit, aalisartut, piniartut allallu nerisassanik tunisassiortut orneqattaarpaat, festivaalilu pillugu oqaloqatigalugit, aaqqissuisut tusagassiuutinut nalunaarummi ilisimatitsipput.

Tunisassiortunut attaveqarneq pingaaruteqarpoq, tunisassiaasa aamma ilisimasaasa festivaali pilersittussaammassuk. 

Pissarsiariuminalersinniaraat

- Nunatsinni suliaqartut peqatigalugit nerisassiaat pissarsiaruminarnerulersillugillu amerlanerulertinniarpagut. Festivaalip tunisassiortut aqqutissiuullugillu Kommune Kujallermi aamma nunap sinnerani maluginiarneqarnerannik pilersitsiffigiumaarai neriuutigaarput, festivaalimik ingerlatsisut allapput.

Neriniartarfinni tamani atorneqarsinnaasut

Igasa Food Festivalimik aaqqissuisut kalaallit nerisassaataat tamatigoortuullutillu neriniartarfinni tamani atorneqarsinnaasut oqaatigaat.

- Sapinngisarput tamaat nerisassat nunatsinneersut atussavagut, kulturi aamma ileqqut attallugit. Nerisassat tungaatigut siunissami immitsinnut pilersornissatsinnut tamanna aqqutissatuaavoq.

Festivaalip iluatsinnissaanut aaqqissuisut najugaqartunut festivaalimi ikiuukkusuttunut attaveqarusupput. 

Tapersersorneqarnissaq neriuutigigaat

- Najugaqartut festivaalimik tapersersuinissaat neriuutigaarput, najukkanilu tunisassiortut malunnartillugit, Igasa Food Festivalimit tamanna oqariartuutigineqarpoq.

Festivaalertoqarnerani kajumissutsimik ikiuukkusukkaanni sunngiffimmi najukkani aqutsisuusut attaveqarfigineqarsinnaasut ilisimatitsissutigineqarpoq.

Festivaalimut programmi aggustip aallartinnerani saqqummiunneqassaaq,: 

Ulluni ukunani Igasa Food Festivalertoqassaaq:

  • 25. aamma 26. august Nanortalimmi
  • 1. aamma 2. september Narsami
  • 8. aamma 9. september Qaqortumi
OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER