Skip to main content

Ikiaroornartoq peqqutaasorineqartoq: Sakkortuumik ujajaasimasutut tigummigallangaalersut

Aappariit angullu Nuup ilaani Nuussuarmi sakkortuumik ujajaasoqareernerani tigummigallangaalerput. Tigummigallangaalersut sakkortuumik ujajaasimasutut pasineqarput. Ujajaaneq politiinit ikiaroornartulerinermut attuumassuteqarsorineqarpoq

Aappariit inuusuttut Nuup ilaani Nuussuarmi ataasinngormat sakkortuumik ujajaavigineqarput, arnaq ujajaaffigineqarnerminni ajoquserneqangaatsiarluni.

Taama Nuummi politiit tusagassiuutinut nalunaaruteqarput.

Arnaq sakkortuumik nakuuserfigineqartoq

Sermersuullu Eqqartuussiviata sapaatip akunnerani uani marloriarluni killisiuisoqarnerani, unnerluussisussaatitaasut piumasaqarnerata kingorna, aappariit, arnaq 40-kkunni ukiulik aappaalu angut 30-kkunni ukiulik, aamma angut alla 20-kkut naajartorneranni ukiulik tigummigallangassanngortippai. 

- Nuup ilaani Nuussuarmi 12. marts 2018 sakkortuumik ujajaasimasutut pasineqarput. Ujajaanermi tassani aappariit inuusuttut sakkortuumik nakuuserfigineqarput, arnaq ajoquserneqangaatsiarluni, Aqqaluk Petersen politiini pigaartut pisortaat taama nalunaaruteqarpoq.

Ikiaroornartulerinermut attuumassuteqarsorineqartoq

Arnaq Nuummi napparsimavissuarmi passunneqareerluni angerlartinneqareersimavoq. Angullu politiit ilisimatitsissuteqarnerat naapertorlugu ujajaanermi annertunerusumik pinerlineqarsimanngilaq.

- Politiit ilimavigaat sakkortuumik ujajaaneq ikiaroornartulerinermut attuumassuteqartoq. Killisiuinerit suliap misissuiffigineqarnera eqqarsaatigalugu matoqqasumik ingerlanneqarsimapput, Aqqaluk Petersen nassiuiaavoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER