Nuummi politiit 24. juli, aallaaserlutik aqerlumiillu pitarneqarsinnaanngitsunik aatsunik atugaqarlutik, illoqarfiit pingaarnersaanni najugaqarfiit arlallit misissuiffigaat, suliamullu atatillugu Danmarkimi aamma tigusarinnittoqarluni.

Aallartinneq

Aasap unnuaani pitoraanneq paasiniaanermi annertusiartuinnartumi Nuummi politiit ulluinnaannut sunniuteqangaatsiarpoq.

- Paasiniaaneq Nuummi politiit sulisuinik eqquingaatsiarpoq, taamaakkaluartoq politiit nunap immikkoortoqarfiinit ikiorserneqarput, unnerluussisussaatitaasoq Tobias Berg Sermitsiaq.AG-mut paasissutissiivoq.

Paasiniaanermi danskit politiivit ikiuutaasimasut, unnerluussisussaatitaasoq paasissutissiivoq.

Kalaallit Nunaanni suliarineqartoq

- Suliaq Kalaallit Nunaanni ingerlanneqarpoq, paasiniaanerillu tamaanngaanniik aqunneqarlutik, kisianni suleqatitta qallunaat ikiorsimavaatigut, Tobias Berg paasissutissiivoq.

Qaqugu unnerluussinissaq naammassineqassanersoq, taassuma eqqoriarusunngilaa.

- Paasiniaanerup ingerlanerani allamik misissugassamik saqqummertoqartuaannarpoq, Tobias Berg paasissutissiivoq. Politiit paasiniaanermut atatillugu unnerluutigineqartunut arfineq-marlunnut unnerluutiginninnerit amerlisissimavaat.

Aamma atuaruk: Ikiaroornartulerisut pillugit suliami arlallit tigusarineqartut

Unnerluutigineqartuni arfineq-marluusuni arfinillit unnerluutigineqarnerat amerlisinneqarsimapput, tassa taakku 2015-miik Danmarkimiit Kalaallit Nunaannut katillugu 63 kilomik eqqussisimasutut unnerluutigineqalerlutik.

Arnamut 20-t missaanni ukiulimmut unnerluussinerit aamma amerlineqarsimapput, tassa taassuma ikiaroornartulerisut allat assigalugit 2016-miik 14 kilo missaani hashimik eqqussuisimasutut unnerluussaalerluni.

Suliami unnerluussat amerlanerulersimasut

Paasiniaanerup ingerlanerani unnerluutigineqartut amerlatsissimapput, tigummigallangassanngortinneqarsimanatilli. Taakku hashimik eqqussuisoqarnerani aningaasanik tigusisimasutut politiinit ilimagineqarlutik, unnerluutigineqarput.

Suliaq ukiorpaalunnut attuumassuteqarmat paasiniaaneq annertusiartuinnavissimavoq.

Aamma atuaruk: Ikioroornartuerniarneq pillugu suliaq annerulertoq