Ikuallatsitsisimasutut tigummigallagaasoq suli nassaarineqanngitsoq
22-nik ukiulik ippassaq nalunaaqutaq 18.00 missaani Pinerluuteqarsimasut inissiisarfianiit qimaavoq
Nuummi politiit 22-nik ukiulik Niels Corneliusarson suli ujaarivaat. Pingaartuuneq Gideon Quist tusagassiuutinut nalunaarummi taama allappoq.
Niels Corneliusarson ippassaq nalunaaqutaq 18.13 Nuummi Pinerluuteqarsimasut inissiisarfianiit qimaavoq.
Taanna danskisut isikkoqarpoq
190-95 centimeterit missaanni angissuseqarpo, naliginnaasumillu isikkoqarluni.
Kingullermik takuneqarami tujuuluk qernertoq koorpuillu tungujortut atorpai.
Taanna savalimmiusut allamiorpaluuteqarluni danskisut oqaluttarpoq.
Niels Corneliusarson ikuallatsitsisimasutut tigummigallagaavoq.
Niels Corneliusarson takusimagaanni sumiinneraluunniit ilisimagaanni
Nuummi politiit oqarasuaataat 70 14 48 attavigineqassaaq.
Politiit erseqqissaassutigaat tigummigallarneqartumik pineqaatissinneqarsimasumilluunniit sumiinneranik isertuussineq pinerlunnermut inatsimmik unioqqutitsinerusoq.
