Ikuallattoqarneranik kalerrisaarutip mittarfimmut aqqut matullatsiarpaa
Ikuallattoqarneranik sungiusarneq kalerriutigineqanngitsoq pimmat, Nuummi qatserisartut mittarfiup kujataatungaaniittumut suliffeqarfissuaqarfimmut. Aqqusinermik matusineq taamaatinneqarpoq.
Aallaqqaammut ajornerpaamik pisoqarsimanera ernumassutigineqarpoq. Nuummi suliffeqarfissuarmi mittarfiup qanittuaniittumi ikuallattoqarpoq.
Kisianni kalerriutigineqanngitsumik ikuallattoqarnissaanut sungiusartoqarpoq, oqartussat assigiinngitsut tassani ilaatinneqarput, politiillu mittarfiup aqqutaanik matusisariaqarsimallutik, qatserisartut isumannaallisaaneq pissutigalugu 50 meterinik ungasissusilimmik assiisoqarnissaa piumasarimmassuk.
Sungiusarnerup aqqusinermi angallattut ajoqusersussagaat tulluarami?
- Tassa taamaattussaavoq. Sungiusarneq ilisimanngilarput. Sungiusarnermi oqartussat assigiinngitsut taama pisoqartillugu qanoq qisuariarnersut saqqummiunnissaannut ilaavoq, Nuummi politiini pigaartoq oqarpoq.
Sungiusarneq 10.38 aallartippoq, tassani politiit aggersarneqarput. Kingorna aqqusinermik assersuinermik, maanna atorunnaarsinneqareersumik pilersitsisoqarpoq.
