Ilimanami suliniut akimasumik nersornaaserneqartoq
Ilimanami iluarsartuussinermik suliniut Europami kulturikkut kingornussassanut nersornaasiunneqartartumik Europa Nostramik akissarsitinneqarpoq
Realdania By & Byg Europa-Kommissionip kulturimut kingornussassatut nersornaasiuttagaanik akimasumik – Europa Nostramik tunineqarpoq. Nersornaat Poul Egedep illuanik aamma quersuarmik Ilimanami iluarsartuussineq pillugu tunniunneqarpoq.
- Ukioq manna ‘’kulturikkut kingornussassanik pissartat’’, Europa Nostramik nersornaammik nersornaaserneqartut pilluaqqungaarpakka, operartartoq tusaamasaq, Plácido Domingo, Europa Nostramut siulittaasoq oqarpoq.
Kulturikkut kingornussaq
- Kulturikkut kingornussassat qanga pisunik eqqaamasaannaanngitsut, nersornaasikkatta uppernarsarpaat; tamanna maanna piffimmut ammaassisuuvoq, siunissamullu nukissaalluni, Plácido Domingo oqarpoq.
Iluarsartuussilluni suliniut nersornaaserneqartut suliniutit 29-t ilagaat.
