Ilinniarneq aallartippoq: Kollegiani inissianik amigaateqarneq uniinnassutaasoq
Najannguaq Rosing, Paamiuneersoq, Nuummi inatsisilerituunngorniatut ilinnialernissaminik takorluukkaminik taamaatitsiinnartariaqalersinnaavoq. Kollegiani inissiamik pissarsisinnaanngilaq taamaattumillu ilaquttani illoqarfimmut nooqatigisinnaanagit
Najannguaq Rosing aappani paninilu marluk peqatigalugit Paamiuni najugaqarpoq. Paamiunit Nuummut nuukkusuttorujussuupput, tassami Najannguaq Rosing ilinnialernissamut akuerisaasimavoq Ilisimatusarfimmilu inatsisilerinermik ilinniagaqalersussatut akuerisaasimasut 23-t akornanniilluni.
Sermitsiaq allappoq.
GUX ukioq manna Qaqortumi naammassivaa, agguaqatigiissillugu qaffasinnerpaat pingajuannik angusaqarsimalluni. Najannguaq ilaqutaalu Nuummut nuussinnaalernissaminnut annertuumik unammilligassaqarput. Najannguaq Rosingimi kollegiani inissamik pissarsisinnaanngilaq.
Najannguaq Rosing qinnuteqarfigisami aappaanut aamma akuerisaasimavoq, Erhvervsøkonomimut, tassanili ajornartorsiutip assinga atuuppoq, ilinniagaq taanna aamma Nuummiimmat.
KAF Najannguaq Rosingimut nalunaarniarpoq inissiamik tassunga ilaqutaanullu pissarsiassaqalissagaluarpat, maannakkorpiarli soqanngilaq. Maannakkorpiaq Nuummi kollegiani ineeqqamik inissiamilluunniit pissarsiniartut 80-it utaqqisuniipput. Utaqqisuniittut tassaapput ilaqutariiaat, pilersuisut kisermaat, aappariiaat inuillu ataasiakkaat.
Allaaserineqartoq aviisimi Sermitsiami, tallimanngormat saqqummersumi, tamakkiisumik atuarneqarsinnaavoq. Aviisi uani pisiariuk:
