Skip to main content

Inatsisartut ukiaanerani ataatsimiinneq sivitsorpaat

Inatsisartuni ilaasortat juullimut sulinngiffeqarnerat ulloq 16. november aallartissasoq pilersaarutaangaluarpoq. 2018-imullu aningaasanut inatsip tamanna pitissinnaanngilaa.

Ukiaanerani ataatsimiinneq ulloq 20. november naggammik ingerlanneqarnissaa aalajangiunneqarsimavoq, tassani ukiup tullianimut nunap aningaasaqarneranut missingersuutit naggataarutaasumik oqaluuserineqassalluni.

2018-imut aningaasanut inatsit ulloq 20- november oqaluuserineqarlunilu pingajussaaneerneqassaaq.

Aammattaaq Naalakkersuisut inatsisissatut nutaamik siunnersuuteqarnikuupput taannalu ukiaaneraneri ataatsimiinnermi ulloq 13. november oqaluuserineqassaaq. Tassani Namminersornerullutik Oqartussat missingersuutaat pillugit Inatsisartut inatsisaata allanngortinneqarnissaa politikerit oqaluuserissavaat.

Politikerit ulloq 13. november ulapputingaatsiassapput, Inatsisartummi inatsisaata allanngortinneqarnissaa Inatsisartut ataatsimiittarfianni tulleriisiinnarlugit siullermeerinninneq, aappassaaneerinninneq pingajussaaneerinninnerlu pissaaq. Tassa tusarniaanerit ataatsimiititalianilu oqaluuserininnerit il.il. ingerlanneqassanngillat.

Oqaluuserinnipallannissamut pissutaanerpaavoq, 2018-imut aningaasanut inatsip akuersissutigineqarnissaata ulloq 20. novemberimut kinguartinneqarsimanera.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER