Skip to main content

Inatsit nutaaq: Sermersooq millioninik marlunnik kisitsisitalimmik eqqorneqartoq

Inatsisissatut siunnersuutip nutaap, pisortat qanoq pisiniartarnissaannik sinaakkusersuisup, Kommuneqarfik Sermersooq millioninik marlunnik kisitsisitalimmik akiliisissavaa.

Ukiuni kingullerni Kommuneqarfik Sermersooq kommunip immikkoortuini assigiinngitsuni pisiniartarneri katersorlugillu pisariillisarsimavai. Maannamullu kommuni 20 millionit koruuninik sipaaruteqarneranik qulakkeersimavaa, kommunip innuttaasuinut iluaqutaasumik.

Nutaamik sipaarniartoqassasoq
Kommunimi pisortap Lars Møller-Sørensenip Inuussutissarsiornermut Naalakkersuisoqarfimut tusarniaanermut akissummi tamanna nalilerpaa. Aputaajanermik, equutissianik, eqqiaanermut atortunik allanillu kommunip ingerlannissaanut pisariaqartunik pisinermi, innuttaasut akileraartartut kommunip millioninik marlunnik kisitsisitalinnik sipaarteqqissinnaagai.

Inuussutissarsiornermut Naalakkersuisoq, Hans Enoksen, inatsisissamik siunnersuummik saqqummiussisoq, Namminersorlutik Oqartussat kommunillu annertuumik 500.000 koruuninit akisunerusunik pisiniaraangamik qanoq periuseqassanersut sinaakkusersuivoq.

Erseqqissuunissaq
Inatsisissatut siunnersuummut nassuiaatini oqaatigineqarpoq, paasiuminartuunissaq pillugu tunngaviusumik periaasissap isumagineqarnissaanut aalajangersakkat arlallit inatsimmi aalajangersarneqarput inatsisip qulakkiissavaa, ''inuussutissarsiortut ingerlatsisoqarfimmut tatiginnissinnaaqqullugit, taakkununnga ilanngullugit aalajangiinerit suliatigut paasisimasaqarneq tunngavigalugu pisarnissaat.''

Kisianni inatsit aamma ikittuinnartunut tunngatinneqarsinnaaneranut inerteqqummik imaqarpoq, tamannalu kommunimi pisortap Nuummeersup eqqunneqarnissaanut aarlerisaarivoq, kommunip aningaasaqarneranut akisunissaa pissutigalugu.

Ikittuinnarnut tunngatinneqarsinnaaneranut inerteqqussut pillugu inatsimmut nassuiaatini ima allaqqavoq:

- Pisortat ingerlatsiviisa piffissami qanittumi iluaqutigisinnaasai, sipaaruteqarnikkut, ungasinnerusoq eqqarsaatigalugu annaaneqassapput ajugaasumut unammillertuusut niuffaffimmi ingerlasinnaajunnaarpata taamalu matusariaqarlutik. Taamaalilluni neqeroortitsinermi tullermi unammillerneq nungutitaasimasinnaavoq, pisortallu ingerlatsiviisa isumaqatigiissutigeqqaagaq kingumut isumaqatigiissuteqarfigisariaqassavaat maannali niuffaffimmi unammillertissaqarunnaarsimammat akit qaffasinnerujussuit akuerisariaqarlugit.

Aputaajaaneq piuminaallissaaq
Inatsit maanna ilusimisut iluseqartilluni akuerineqassappat malinneqarsinnaanngitsoq kommunimi pisortaq isumaqarpoq, aputaajaanermullu tunngasumik assersuusiorluni.

- Sanaartugassanik suliaqartartup immikkoortoqarfik (kommuni aputaajaaffinnut 16-inut agguagaavoq, aaqq.) kisermaallugu aputaajarnissaanut pissarsiarisimaguniuk aputaajaaneq taamaallaat pisinnaavoq. Kommunimi sulisup apisimasoq takunerata kingorna, aputaajaanerup tamatigut aputaajaalernermi ullormiit ullormut inniminnerneqartarnissaa takorloorneqarsinnaanngilaq, Lars Møller-Sørensen tunngavilersuummini allappoq.

Oqarasuaatimmi?

Immikkoortoqarfinni allani ilaannakoortumik tamakkiisumilluunniit kisermaassisoqarsinnaanera pisariaqarpoq, kommunaldirektørilllu oqarasuaatit EDB-llu tikkuarpai.

- Assersuutigalugu kommuni oqarasuaatinik kiffartuussinermik niueruteqartunut ataasinnarmik isumaqatigiissuteqarsinnaanerinik mattussineq, ingerlatsilluarnerunngilaq. Tamanna kommunini immikkoortoqarfiit ataasiakkaat oqarasuaatinik pisiniartarfimmik aaqqissuunnermillu ataasiinnarmik toqqaasinnaalerpata paatsiveerunnermik pilersitsissaaq. Tamanna aningaasaqarnermut suliffimmilu attaveqaqatigiinnerup "ataqatigiinneranut" pitsaasumillu kiffartuussinernut atuuppoq, aamma attaveerunnermi, Lars Møller Sørensen allappoq.

Iluatsitsinngitsoornerit ima pinaveersaarneqassapput

Taanna tusarniaanermut akissuteqarluni allappoq:

- Kisermaassinissamik isumaqatigiissutini pitsaanngeqqutit, oqaaasertaliussani innersuussutigineqartut, sivisuumik isumaqatigiissusiorani ilaatigut pinngitsoortinneqarsinnaapput, (kommuni isumaqatigiissutai naliginnaasumik ukiunik marlunnik sisamanilluunniit sivisissuseqartarput, isumaqatigiissutillu isumaqatigiissutiginiaqqinnerini piumasaqaatit akimillu naleqqussaalluarnerit ingerlanneqartarlutik, kommunaldirektøri erseqqissaavoq, kommuni pisiniartarnermigut pisariillisaanermik annertuumik suliniuteqarsimangaluartoq, niuernermik ingerlatalinnit "naapertuutinngitsumik" pineqarsimaneq pillugu  naammanngittaalliuummik tigusaqanngisaannarsimasoq, unnersuutigaa.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER