Ingerlalluarneruleraluarluni: Partii 850.000 koruuninik akiitsoqarpoq
Atassut ukiuni kingullerni aningaasaqarnikkut ajornartorsiuteqarnini qaangerniarlugu tamaviaarpoq. Akiitsorpassuaqalersimariarluni kiisami ilorraap tungaanut aallarpoq
Atassutip nuna tamakkerlugu kattuffiata partiip aningaasaqarnera aqulluarnerulerpaa, ukiualunni aningaasaqarnikkut ajalusuungajattareersimalluni.
AG aviisi taama allappoq.
Partiip 2017-imi ukiumut naatsorsuutit AG-p misissorpai, 458.000 koruuningajannillu sinneqartooruteqarsimapput.
Aningaasat partiip akiitsuisa millisarnissaannut atorneqarsinnaapput.
2017-ip naanerani Atassutip nammineq aningaasaatai 1,2 millioner koruuninik amigartooruteqarput. Ukiumili angusatigut amigartoorutit taakkua 750.000 koruunit missaannut ikilisinneqarput. Siuariartorneq tamanna partiip siulittaasuata Siverth K. Heilmannip nuannaarutigaa.
Allaaserisaq tamaat aamma siulittaasup AG aviisimut nassuiaatai atuakkit. Aviisi uani pisiassaavoq:
