Ingelatseqatigiiffik Uummannami, Ilulissani Qasigiannguani Sisimiunilu atuaqatigiiaat atuartullu ataasiakkaat Nunani Avannarlerni oqaatsitigut, avatangiisimut tunngasunik kulturikkullu tunngasunik paasisassarsiorlutik angalanissaannut aningaasatigut tapiissuteqartalissaaq.

Ingerlatseqatigiiffik Royal Greenlandip nittartagaani taama paasissutissiivoq. Ingerlatseqatigiiffik inunnit 34-init Royal Greenlandimillu piginneqatigiiffiuvoq.

- Atuaqatigiianut atuartunulluuniit ataasiakkaanut immikkut eqiasuitsunut, piumassuseqartunut piginnaanilinnullu akissarsititsinernut atugassanik tapiissutinik aamma qinnuteqartoqarsinnaavoq, Ice Trawl Greenland A/S taama nalunaaruteqarpoq.

Nunani Avannarlerni aalisartoqarfiit

- Nunani  Avannarlerni inooriaatsit kulturikkullu ileqqut pillugit meeqqat inuusuttullu ilisimasaqarnerulernissaat pingaartillugu Ice Trawl Greenland A/S-imiit tunniussaqarusuppugut. Atuaqatigiiaat atuartullu ataasiakkaat angalanissaannut allatigullu kulturikkut suleqatigiinnermik tunngassuteqartunik Nunani Avannarlerni imaaluunnit atuartut nunatsinni illaqarfinni allanut angalassatillugit aningaasatigut tapiissuteqarusuppugut, Ice Trawl Greenlandimi siulersuisuni siulittaasoq, Ove Rosing Olsen oqarpoq.

Meeqqat inuusuttullu Uummannami, Ilulissani, Qasigiannguanilu atuarfinni atuartut 2018-imi aggustusip aallaqqaataaniit makkununnga atugassanik taapiisutinik qinnuteqarsinnaavoq:

Paarlaasseqatigiilluni angalanernut Nunani Avannarlerni uku akornanni: Kalaallit Nunaat, Island, Savalimmiut Norgillu Avannaa.

Atuaqatigiiaat atuartulluunniit ataasiakkaat avitseqatigiinnermik siunertalimmik - minnerpaamik nunat marluk akornanni, soorlu atuartut illoqarfianniit Nunani Avannarlerni nunat arlaannut angalanissanut tapiissutinik qinnutigineqarsinnaavoq.

Atuaqatigiiaat imaluunniit atuartut ataasiakkaat oqaatsitigut piginnaanngorsaqqinnerannut, avatangiisit pillugit paasisassarsiornernut, kiisalu kulturikkut paasisassarsiornernut tunngassuteqartunut angalanernut tapiissutinik qinnutigineqartoqarsinnaavoq

Atuaqatigiianut atuartunulluuniit ataasiakkaanut immikkut eqiasuitsunut, piumassuseqartunut piginnaanilinnullu akissarsititsinernut atugassanik tapiissutinik aamma qinnuteqartoqarsinnaavoq.

Tapiiffigineqarnissamut qinnuteqaat uunga nassiunneqassaaq:

Ice Trawl Greenland A/S

Umiarsualivimmmut 25

3911 Sisimiut

E-mail: ovro@royalgreenland.com