Inuussutissarsiortut: Ilinniartitaaneq suliffissallu qineqqusaarutini pingaarnerpaassapput
Inuusuttut ilinniagaqartissigik suliffinnillu aningaasaleerusutsitsilersunik pilersitsillusi. Inuiaqatigiit taamaalillutik ingerlallualissapput nunamilu ataqatigiinneq annerulersissallugu. Sulisitsisut qinersinissamut atatillugu taama kajumissaaripput.
Sulisitsisuni qineqqusaarnermi pingaarnertut suna sammineqartariaqartoq qularutigineqanngilaq.
Taanna tassaavoq inuusuttut naleqquttumik ilinniagaqarnissaasa qulakkeerneqarnissaa, taamaalillunimi aningaasaliissutit amerlanerulissammata inuiaqatigiinnilu ataatsimut nukissaqarfigineqartut pilersinneqassallutik.
Sermitsiaq allappoq.
- Tamanna pisariunngilaq. Najukkami sullivinnik pilersitsinissamut attassiinnarnissamullu ilinniagaqarneq pisariaqartinneqarpoq. Aamma siunissami suliffeqalersinnaanermut ilinniagaqarneq kajumissaataavoq. Kalaallit Nunaat tamakkerlugu suliffinnik pilersitsisariaqarpugut, tamannalu aqqutigalugu nunami ataqatigiinneq nukittorsarlugu. Kalaallit Nunaanni nunap immikkoortui allanut nutsertoqarnera pissutigalugu inuerukkiartortut ineriartortinngikkutsigik, nuna immikkoortunut marlunnut avinneqassaaq tamatumalu peqatigisaanik takuneqarsinnaalluni pisortat namminersortullu ingerlataanni suliarineqartariaqartunik sinerissami suliassaqartoq, pisortaq Brian Buus Pedersen Sermitsiamut oqarpoq.
Sulisitsisunut ilinniartitaanerup suliffeqarfiillu ataqatigiissinneqarnissaat pingaaruteqarpoq.
- Ilinniartitaanerup, suliffeqarfiit aamma aningaasaliinerit inuiaqatigiinni ataatsimoorussamik nukimmik pilersitsisarput. Tatigeqatigiinneq pingaarutilimmik inissisimavoq. Qinikkat inuussutissarsiortunut tatiginninnerusariaqarput, Brian Buus Pedersen oqarpoq.
Allaaserisaq aviisimi Sermitsiami sapaatip akunnerani matumani saqqummersumi tamakkiisumik atuarneqarsinnaavoq. Aviisi uani pisiariuk:
