Skip to main content

Issittumi filmiliornissamut periarfissaq malunnaatilimmik nukittorsarneqarpoq

Nunat tamalaat issittumi nunat inoqqaavisa filmiliornermut aningaasaateqarfiat pilersinneqarpoq

Saamit, Ruslandimi Yakutiamit, Nunavumit imaluunniit Kalaallit Nunaannit oqaluttuanik oqaluttuartoqassatillugu, periarfissaq malunnaatilimmik nukittorsarneqarpoq.

Kautokeinomi Indigenous Film Conferencemut atatillugu illuatungeriit tallimat ataatsimoorlutik Arctic Indigenous Film Fund pilerseqqammerpaat. Screendaily taama allaaserisaqarpoq.

FILM.GL taakkununnga peqataavoq, ataatsimiinnermilu Pipaluk K. Jørgensen taanna sinnerlugu peqataavoq. Tamatuma saniatigut aningaasaateqarfik Canada Media Fundimit, Nunavut Film Development Corporation in Canadamit aamma Archy Film Associationimit Yakutiami, Ruslandimeersumit tapiiffigineqarpoq.

Nunap inoqqaavisa oqaasiinik, piorsarsimassusaannik aamma inuiaqatigiinnik nukittorsaasunik filmiliornerit taperneqartarnissaat siunertaavoq.

Aningaasaateqarfik 2019-imi 40 millionit koruuninik missingersuuteqarluni aallartissaaq, pilersaarut malillugu 2021-mi 160 millionit koruuninut qaffassalluni.

Kautkeinomi festivalertoqarnerani ilitsersuisartoq David Lynch inuulluaqqussuteqarpoq, aningaasaateqarfimmullu tapersiinini oqaatigalugu.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER