Isumaqatiginninniartoqaleruttorpoq
Siumut aamma Inuit Ataqatigiit Naalakkersuisooqatigiilernissaq anguniarlugu isumaqatiginninniarput akunnermi ataatsimi
Naalakkersuisooqatigiilernissaq anguniarlugu isumaqatiginninniarneq siulleq peqqammerpoq.
Tassani Siumup aamma Inuit Ataqatigiit politikkertik saqqummiuppaat. Kim Kielsenip aamma Sara Olsvigip isumaqatiginninniarnerat akunnermi ataatsimi ingerlavoq. Naammassimmat nunanut allanut aamma sillimaniarnermut ataatsimiikkiartorput. Isumaqatiginninniarnermi suut eqqartorneqarsimanersut oqaaseqarfigineqanngilaq.
Siumup isumaqatiginninniutissani Demokraatinut Inuit Ataqatigiinnullu nassiunnikuuai, taakku ullumi eqqartorneqassallutik.
IA-p Naalakkersuisooqatigiinnissamut piumasaqaatini aamma saqqummiuppai. GME-p Kuannersuarni piianissamut qinnuteqaataa isumaqatigiinngissutaavoq.
Akileraartarnerup annikillisaaviginissaa Demokraatit isumaqatiginninniutigissamaaraat paasissutissiissutigineqarpoq.
