Kangaatsiami eqqaanilu aalisarneq ukiuni kingullerni pitsaavoq. Kisianni aalisarneq arlaleriarluni qerititsiviup ulikkaarneranit kigaalaqusersorneqartarpoq.

Tamatuma Kangaatsiami nunaqarfinnilu eqqaani tunisinerup qulakkeerneqarnissaanut Naalakkersuisut qanoq iliorniarnersut, Nikkulaat Jeremiassen (S) apeqquteqartippaa.

- Nunatta massakkumut aalisarneq annertoorujussuarmik aningaasaqarnikkut nappatingivaa, avammullu niuernermi tunngavia taannaavoq.

- Taamaattumik paaserusuppara pilersaarutit ujartortuakkavut suunersut? Ukiummi tamaasa piffissaq manna apeqqutit taama ittut aallartittarput ukioq tulleq nangeqqittussat, taassuma §37 naapertorlugu apeqqutini taama tunngavilersorpaa.

Aalisarnermut piniarnermullu naalakkersuisoq, Erik Jensen (S), umiarsuit tunitsiviit akuersissuteqarfigisani ajornartorsiummut aaqqiissutaasinnaasut neriuuteqarpoq.

- Naalakkersuisut maluginiarpaat nuannaarutigalugulu ukiuni kingullemi aalisagaqarluamera, soorlu aamma tamanna Kangaatsiap eqqaani  aalisameq piffissami 2014-miit 2017-mut pitsanngoriartorsimasoq.  

- Naalakkersuisut umiarsualiisinnaanermut qinnuteqartut sapaatip-akunnerata siuliani aalajangiiffigivaat, taassuma akissutaani tamanna allaqqavoq.

Ukioq manna umiarsuarnik tunitsivinnik tallimanik tunitsiveqarnissaanut Erik Jensen akuersissuteqarnikuuvoq. Naak taakku toqqaannartumik Kangaatsiamiitinneqanngikkarluartut, umiarsuit marluk Kangerluup aamma Qeqertarsuatsiaap akornanni inissinneqartut, Kangaatsiamit saarullinnik tigusisinnaassasut neriuutigaa.

​​​​​​​- Naalakkersuisut siunniuteqqavaat Kangaatsiap eqqaani aalisartut ataavartumik tunitsivissaqaannamissaat qulakkeemiarlugu, tunitsiviit ulikkaartuussagaluarpata umiarsuit tunitsiviit iluaqutaalluassasut.