Royal Greenlandip Kangaatsimi tunisassiorfiani aamma nunaqarfiini Attumi, Ikerasaarsummi Niaqaornaarsummilu tunitsivinnut tuninisineq 2012-imiit 2017-imut 400 procentingajannik qaffiaraateqarpoq.

- Kangaatsimi nunaqarfiinilu Royal Greenlandip tunitsiviini piffissami 2012-imiit 2017-imut tunisassiorneq 800 tonisimiit 3500 tonsimut qaaffariaateqarpoq. Qaffariaat 400 procentingajannik qaffariarneruvoq, Royal Greenlandimi ingerlatsinermut pisortaq Sten Sørensen oqarpoq.

Royal Greenland nittartakkamini allappoq.

Aamma atuaruk: Arnaq inuussutissarsiuutigalugu aalisartunngortoq

Royal Greenlandip Kangaatsiami tunisassiorfiani majimi 2014-imi saarulliit nerpiinik tunisassiornermi atortunik ikkussuisoqarpoq.

- Kingorna tunisassiorneq annertusiartuinnarpoq sulisullu amerliartuinnavillutik taamattumillu Kangaatsiami tunisassiornermi qaffariarneq annertunerpaajuvoq, Royal Greenland allappoq.

Usinik assartuineq annikippallaartoq

Ingerlatsinermulli pisortaq Sten Sørensen naapertorlugu Royal Arctic Linep Kangaatsiami eqqaanilu usinik assartuinikkut piginnaasai ataatsimut isigalugu annikippallaarpoq.

- Naak Royal Arctic Linep usinik assartuisarnera ingerlaavartumik ingerlanneqartaraluartoq assartuisoqartillugu qerisuusivigut tamakkiisumik imaarneqarneq ajorput. Taamaattoqarnerata nassataraa qerisuusiviit ulikaaraangata tunisinerit matusariaqartarnerat taamatuttaaq piffissami sivikitsumi sulisut angerlartiinnartariaqartarput, Sten Sørensen oqarpoq.

Royal Greenlandip Kangaatsiami tunisassiorfia 2017-imi ulapaarfiunerpaami sulisut 65-it sulisorineqarsimapput, 2018-imilu ulapaarfiunerpaalerpat 80-it angullugit sulisorineqarnissaat, taassuma naatsorsuutigaa.