Skip to main content

Kangerlussuaq: Ukiumi ulloq ulapaarfiunerpaaq

Aasaq tamaat Kangerlussuarmi Mittarfik ulapaarfiusimavoq, taamaakkaluartoq ulloq 17, august mittarfik timmisartunik hunnorujunik suliaqarluni ulapaarfiunerpaassaaq.

Check-in.dk pillugu

Allaaserisaq una nittartakkatigut nutaarsiassaqartitsivimmit www.check-in.dk-mit timmisartuussinerit pillugit nutaarsiassaqartitsivimmit atugassiarineqarpoq.

Aasaanerani ulapaarfik mittarfiit arlalit ulapaarfiusimapput. Aamma Kalaallit Nunaanni mittarfiit annersaanni Kangerlussuarmi. Tassani juunip naaneraniit ilaasartaatinut-, attartukkanut- imaluunniit nammineq timmisartuutillit angalasui arlallit mittarfimmi immikkut ulapputigineqassapput.

Naak mittarfiit ulapaarfiungaluartut sulisut tamarmik nuannisarsimaqaat. Kangerlussuarmilu aasaanerani tallimanngornermi ulloq 17. august ulapaarfiunerpaassasoq, mittarfimmi aqutsisoq Ivaaq Christensen CHECK-IN.dk-mut paasissutissiivoq.

Ulloq taanna katillugu timmisartut 100-jut tikissapput angalasulli 2.500 missaanniissallutik. Taakkunannga 700-jut missaanni Air Greenland aqqutigalugu angalasuullutik.

Mittarfimmi sulisut 70-it timmisartulerissapputKangerlussuup Mittarfia ullormut naliginnaasumik 25-t missaanni tikinneqartarpoq.

Parisimut Ottawamullu aallartussat

Siullermik Kangerlussuup Mittarfiata Air Greenlandip Airbus-iutaa A330-200 ‘Norsaq’ marloriarluni angalanera isumagissavaa. Taanna Københavnip Mittarfianukassaaq. Taassuma saniatigut Titan Airways tuluit timmisartuutileqatigiiffiata Boeing 767-300 timmisartuutaa 246-nik issiaveqartoq takornariartaammi ilaasunik Parisimut Parisimiillu timmisartuussissaaq.

Ingammik timmisartut attartukkat ulapisitsissapput. Kangerlussuarmi Mittarfik ulloq 17. august Boeing 737 sisamanit tikinneqassaaq. Taakkunannga marluk Parisimukassapput sinnerilu marluk Ottawamut Canadamiittumut timmisartuussissallutik. Timmisartut attartukkat tamarmik umiarsuarnut takornariartaatinut Kangerlussuup eqqaaniittunut timmisartuussissapput. Timmisartut Boeing 737-t ilaatigut franskit timmisartuutileqatigiiffianiit Air Inter-imiit canadamiullu timmisartuutileqatigiiffianiit First Air-iminngaanneersuussapput.

Kangerlussuarmi timmisartut attartukkat naliginnaasumik Parisimut Parisimiillu aamma Düsseldorfimukartullu amerlanerusarput. Timmisartut attartukkat ilaasunik pisattanillu taamaallaat nassataqaratik Kalaallit Nunaannut angallassineq ajorput. Juulip naanerani timmisartoq nassatanik useqarluni tikippoq. Qajariammi 20-t usineqarput takornariartaatinullu ingerlateqqinneqarlutik.

Iluatsittumik timmisartulerineq

Timmisartut sisamat, ulloq 17. august Kangerlussuarmi angalasussat, USA-miit unnuaq tikipput. Hercules-it sapaatip akunnerini tulliuttuni pingasuni Kalaallit Nunaanniissapput, tassani ilisimatusartut sermersuarmut sermersuarmiillu timmissartuussissapput aammalu sermip eqqaani sungiusassallutik. Timmisartut ataaruserlutik sermimut mittarnerat pissutigalugu ‘ataartartunik’ taaneqartarput.

Aasap ingerlanerani timmisartut assigiinngitsut arlallit inunnik assigiinngitsorpassuarnik ilaasoqartassapput. Mittarfimmi aqutsisoq Ivaaq Christensen russip pisoorsuup AirBus A319-imik tikinneraniit, prinsillu Kangianeersup tikinneranik allarpassuarnillu nalunaarsuisarpoq. Mittarfilli timmisartunik arlalinnik orsersoriartortunik mittarfeqarfiulli akunnittarfinni unnuiartortunik aqqusaarneqartarnera naliginnaasuuvoq. Timmisartuaraq sarpilik Cirrus 22 aqqusaarnikut ilagaat.

- Suut tamarmik pilersaarutit malillugit ingerlapput. Pilersaarusiorneq pingaartilluinnarparput. Air Greenlandimi, qatserisartoqarfimmi, isumannaallisaanermik nakkutilliisut immikkoortoqarfiini aqutsisut assigiinngitsut sapaatip akunnikkaartumik ataatsimeeqatigisarpagut. Tassani iluaqutigilluakkatsinnik sapaatip akunnikaartumik pilersaarusiortarpugut, Ivaaq Christensen CHECK-IN.dk-mut oqarpoq.

- Annertuumik unammilligassaqarsimanngilagut. Naak ullut takisinnaasaraluartut kikkut tamarmik nuannaarlutillu qungujulasarput. Atuisut nuaannaartut sulisullu nuannaartut.

Naatsorsuutiginngisamik timmisartut attartukkat

Kalaallit Nunaanni aasarmanna sila pitsaanerpaanngikkaluartoq, Kangerlussuaq silagissiorfiuvoq.

- Kangerlussuarmi sila allanngoranngilaq, aasarmannali ataatsimut igisalugu Kalaallit Nunaat silarlussiorfiuvoq. Tamaani qulisimanera silarlunnertut oqaatigisarparput, Ivaaq Christensen timmisartup attartukkap tulliata aallarnissaanik kalerrinnginnerani qungujulluni oqarpoq.

Unnuarmanna naatsorsuutiginngineqanngitsumik timmisartut attartukkat marluk Kangerlussualiarput. Takornariartaat Canadamut aallaraluarluni sikorsuaqarnera pissutigalugu Kangerlussuarmut utertariaqarsimavoq. Taamaammat umiarsuaq Kangerlussuarmi angalasunik taarsiivoq, ilaasorisimasaalu Kalaallit Nunaanniit angerlamut timmisartuunneqarlutik.

Kangerlussuarmi Mittarfik, aasap tulliani timmisartut uteqqinnissaata tungaanut, ulloq 24. september timmisartumik attartukkamik takornarianik timmisartuussisussamik naggammik tikinneqassaaq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER