Pingasunik mittarfiliortitsisoqassappat Kangerlussuarmi mittarfiup attatiinnarnissaa imminut akilersinnaassanngilaq. Aningaasaqarnermut Siunnersuisoqatigiit allakkiami taama naliliipput.

Inuiaqatigiit aningaasaqarnerannik misissueqqissaarneq Naalakkersuisunit suliaritinneqarsimasumi assigiinngitsunik pingasunik naatsorsuisoqarsimavoq: Siullermi mittarfiit pioreersut iluarsartuunneqarlutik, aappaani nutaanik pingasunik mittarfiliortitsilluni naammassineqarpata KangerlussuarmiNarsarsuarmilu mittarfiit heliportitut atorneqarlersillugit pingajuannilu Narsarsuarmi mittarfik heliportitut atorneqalersillugu Kangerlussuarmilu mittarfik 1.500 meterisut takissusilik atuinnarneqarluni.  

Inuiaqatigiit aningaasaqarnerannik misissueqqissaarnermi Deloitte naliliivoq takorluukkat tamarmik mittarfiit pioreersut marluk ammatiinnarneqarnissaannut sanillersuunnerini iluaqutitaqassasoq.

Taamatulli inerniliineq Aningaasaqarnermut Siunnersuisoqatigiit isumaqatiginngilaat. Oqaatigineqareersutut siunnersuisoqatgiiit isumaqarput, naatsorsuinermi takorluukkat tamakkerlugit eqqarsaatigineqarsimanngitsut.
Siunnersuisoqatigiillu naapertorlugit mittarfiliortitsisoqarnerata kingorna Kangerlussuarmi mittarfik ammatiinnarneqassappat mittarfitoqqanik marlunnik iluarsartuussinermut  sanillersuullugu pitsaanngitsumik niuernermik ingerlatsisoqassasoq

- Misissuineq taarsiutitut takorluukkat assigalugit – qularnartut ilaasut eqqarsaatigalugit – maanna naliusut Taarsiut I-imi maanna naliusumut qanittumik kiisalu Taarsiut II-mit pitsaanerujussuarmik naleqassalluni, Aningaasaqarnermut Siunnersuisoqatigiit allakkiaanni allassimavoq.