Kielsen KNI-p angusarissaarneranut qujassuteqartoq
Kim Kielsen KNI-p Sisimiuni ataatsimeersuarnerani peqataavoq. Naalakkersuisut siulittaasuata angusarissaarneq pillugu sulisut tamaasa qutsavigai
Namminersorlutik Oqartussat suliffeqarfiutaat KNI ukiumut angusat akileraarut ilanngaatigereernagit 103,4 millioner koruuninik angusaqarpoq ukiumilu kingullermi naatsorsuutitigut angusami asserluinnaanik suliffeqarfissuaq angusaqarluni.
Kim Kielsen Namminersorlutik Oqartussaniit najuuttoq ataatsimeersuarnermi ilaatigut ima oqarpoq:
Piginnaanngorsaaneq
- Namminersorlutik Oqartussat suliffeqarfissuaataasa sulisuminnik piginnaanngorsaanissaat Naalakkersuisunit kissaatigaarput. Taamaattumik KNI tamatuma tungaatigut, soorlu Niuertunngorniarnermik Ikummatissaasivilerisunngorniarnermillu aallartitsillutillu aallussilluarnerat nersualaartariaqarpara, Kim Kielsen tusagassiuutinut nalunaarut naapertorlugu oqarpq.
Royal Arctic Line A/S-imi CCO-tut atorfilik Lars Borris Pedersen siulersuisuni siulittaasunngorpoq. Siulersuisut sinneri tamakkerlutik qinigaaqqipput.
KNI-p 2017-imut ukiumut naatsorsuutai pillugit allaaserisaq atuaruk
