Siulittaasup tullia Høgni Hansen tusagassiuutinut taama nalunaaruteqarpoq, tassani atuarneqarsinnaavoq ‘’siunissami sulinissannut piffissamillu pingaarnersiuinermik” pissuteqartoq.

Sapaatip-akunnerata tulliani siulersuisut ataatsimiissasut

Siulersuisut sapaatip-akunnerata tulliani ataatsimiinnerminni inissinnissaasa tungaanut, siulittaasup tullia Høgni Hansen siulittaasunngorallarpoq.

- Ajuusaarutigaarput maanna KNI-p siulersuisuini siulittaasoq pikkorissoq piginnaasaqarluartorlu annaasussanngoratsigu” siulittaasup tullia Høgni Hansen siulersuisut sinnerlugit oqarpoq, nangillunilu:

- Niels pisooqataalluinnarpoq KNI A/S-ip sorpassuartigut maannna nukittunerulersimaneranut. Tunngavik patajaatsoq Nielsip siuttuunerani pilersissimavarput, suliffeqarfissuullu aningaasaqarnera siunissamut unammilligassaqarnermut naleqqussarsimallutigu.

Paatsiveerunnermit aalajaatsumik aningaasaqarnermut

Niels Thomsen aggustimi 2013-imi taamanikkut Naalakkersuisuusunit KNI A/S-ip siulittaasuatut ikkunneqarpoq, siulittaasullu tullia tusagassiuutinut nalunaarummi allappoq:

- Piffissap aallaqqaataani suliffeqarfiup iluani paatsiveerunnertut oqaatigisariaqarnerusoq iserfigisimavaa, ullumikkulli suliffeqarfik sutigut tamatigut nukittoriarsimavoq, aqutsisoqarnerup aningaasaqarnerullu tungaatigut.

Aaqqissuussaaneq nutaaq

Niuertarfiuteqarfiup allanngortinneqarnerata naammassinissaanut atorfiit tallimat inuttalerneqarnissaat suli amigaataasoq, aviisip AG-p saqqummiukkaalu, ingerlatseqatigiiffimmit tupaallannartumik oqartiartuuteqarneq pivoq.

KNI-p aaqqissuussaanermut pilersaarutigisimasaa ukiaq taamaatinneqarpoq, sulisullu aqutsisut arlallit suliffeqarfimmiikkunnaarniarlutik aalajangersimapput. Tamannalu KNI-p pisortaata Peter Grønvold Samuelsenip sulisut qimarrannerannik oqaatiginianngilaa.

Suliffeqarfiup aaqqissuussaaneranut pilersaarut pillugu AG-mi paasisaqarnerugit, taanna saqqummeqqammerpoq, uanilu linki tooriarlugu isissutissarsiffigisinnaavat:

AG Uge 10 2018

Klik her for at læse