Kontreadmiral: Kalaallit Nunaata Danmarkillu aserorternissaa Ruslandip soqutigisarisinnaavaa
Nils Wang Illersornissamut Ilisimartusarfimmeersoq naliliivoq, Rusland qinersinerup nalaani eqqunngitsunik nutaarsiassanik saqqummersitsinissaminik soqutigisaqarsinnaasoq
Sapaatip akunnerata siuliani illersornissamut ministerip Claus Hjorth Frederiksenip (V) Kalaallit Nunaanni qinersisoqarnerani eqqunngitsunik nutaarsiassanik saqqummertoqarsinnaanera, mianersoqqussutigaa. Taanna isumaqarpoq, Rusland Naalagaaffeqatigiinnermut tunngasuteqartumik aserorterinissamik soqutigisaqarsinnaasoq.
Claus Hjort Frederiksenillu, inerniliinermi tunngaveqanngitsumik assersuut pillugu oqaaseqarsimanini pillugu itisileerusunngilaq. Kisianni Russit nunani allani qinersisoqartillugu sunniiniartarnerannit misilittakkanit aallaaveqarluni.
Taamatulli pisoqarsinnaanera pillugu Illersornissamut
Ilisimatusarfimmi kontreadmirali, Nils Wang isumaqataavoq.
Taanna Sermitsiamut taama nassuiaavoq.
- Kalaallit Nunaannut atatillugu Issittumi pissaaniliuvoq naalagaaffeqatigiinneq assigalugu, ilimagaara russit tungaannit Danmarkip Kalaallit Nunaatalu akornanni attaveqatigiinnerup sanngiillisinnissaa soqutigineqarsinnaasoq, taamaalillunimi Rusland Sikuiuitsup Avannarliup Imartaani nunaviup toqqavia pillugu nunarsuarmi politikkikkut isumaqatigiinniarnerni pitsaanerusumik inissisimaffeqalersinnaammat, Nils Wang Naalagaaffeqatigiinnermik illersuisuusoq, oqarpoq.
Nils Wangip inerniliinera pillugu allaaserisaq Sermitsiami atuaruk. Aviisi uani pisiassaavoq:
