Mittarfeqarfiit: Orsussamut akit apparneqarput
Polaroil-ip orsussanut akinik appaanera timmisartuutileqatigiiffinnit iluaqutigineqassaaq
Polaroil dieselimut, benzinamut, petroleumimut timmisartullu orsussaata akii arfininngormat apparpai. Tamanna timmisartuutileqatigiiffiit iluaqutigissavaat.
- Polaroilip orsussamut, timmisartumut orsussaq ilanngullugu, akigititani appartimmagit Mittarfeqarfiit aalajangerput orsussamut akigititatik aamma apparniarlugit, Mittarfeqarfiit tusagassiuutinut nalunaarummi allappoq.
Mittarfeqarfiit atuisuminut tamanut orsussanik pineqartunik tamanik agguaassisartuuvoq.
Atugassat pitsaanerpaat
- Nuna tamakkerlugu mittarfiuterpassuatsinni helikopterinullu mittarfiutitsinni atuisunut sapinngisamik pitsaanerpaamik atugassaqartitsinissarput kissaatigaarput. Orsussat akiisa apparnerat sullitatsinnut iluaqutaassaaq, Jeppe Jensen, Mittarfeqarfinni niuernermut pisortaq oqarpoq.
Orsussanik appaanermi kingunerisaanik angallanerup akikinnerulersinnaanera pillugu, Air Greenland suli maannamut nalunaaruteqanngilaq.