Skip to main content

Naalagaaffeqatigiit ataatsimiinnerat: Nunanit allanit aningaasaliinerit pillugit Kim oqaluuserinninnissamut piareersimasoq

Kim Kielsen ukiumoortumik naalagaaffeqatigiit ataatsimiinnerannut peqataajartorpoq, tamanna Savalimmiuni pissaaq.

Ukiumoortumik naalagaaffeqatigiit Danmarkip, Savalimmiut aamma Kalaallit Nunaata akornanni ataatsimiittarneq, attaveqatigiiffiusarpoq, paatsooqatigiinnerit peerneqarlutillu akerleriinnerit annikillisinneqartarput.

Tamanna aamma ukioq manna taamaanniarpasippoq.

Kingullermik kinamiut sanaartugassanik suliaqartartut CCCC suliarinninniarsinnaaneri pillugit sakkortuumik qisuariartoqarpoq. Danskit tungaannit ilaatigut statsministeri Lars Løkke Rasmussen (V) kinamiut aningaasaliisarnerinut aarlerisaaruteqarpoq. Tamatuma saniatigut tamanna naalagaaffeqatigiit ataatsimiinneranni qaqinniarlugu nalunaarutigaa.

Sanaartugassanik suliarinnittartuinnaat pineqarput, danskit politikerii akuliutinngiinnassapput, Kim Kielsen (S) ersarissumik oqariartuuteqarpoq.

Taamaakkarluartoq Naalakkersuisut siulittaasuat suliaq tamanna pillugu ikinngutinnersumik statsministerimik oqaloqatiginnikkusuppoq, tamanna tusagassiuutinut nalunaarummi atuarneqarsinnaavoq.

- Naatsorsuutigaara ukioq manna ilaatigut tuluit EU-mit aniniarlutik aalajangernerisa kingorna EU-mik aamma Tuluit Nunaannik siunissami suleqateqariaasissatsinnut tunngasut eqqartussagivut, aamma nunanut allanut tunngasutigut naalakkersuinikkut ingerlatsinermut tunngassuteqartut suleqatigisuleqatigiissutiginissaannut tunngatillugu siusinnerusukkut isumaqatigiissutigisimasagut ataatsimoorluta nalilersuiffigissagivut naatsorsuutigaara.

- Tassunga atatillugu pissusissamisoorluinnartuusoraara maani nunatsinni nunat allat aningaasaliissuteqarsinnaanerinut tunngasut soqutigineqaleraluttuinnartut qanoq aqussanerivut oqaluuserissagutsigu, aamma Danmarkimi Savalimmiunilu allanilu nunani allaneersut aningaasaliissuteqartarneri ilanngullugit, Kim Kielsen tusagassiuutinut nalunaarummi allappoq.

Savalimmiuni Lagmandi Aksel V. Johannesen naalagaaffeqatigiit ataatsimiinneranni qaaqqusisuuvoq. Kim Kielsenip aamma taanna toqqaannartumik aalajangersimasoq pillugu oqaloqatigerisuppaa.

- Kiisalu aamma naalagaaffeqatigiit ataatsimiinnerisa saniatigut lagmandilu Savalimmiormiut Nunatsinni aalisakkerivikuisa salinneqarnissaannut suleqatigiinnissamut pilersaarutit killiffiillu oqaluuserinissaa naatsorsuutigaara.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER