Naalagaaffiup Nuummi Ilulissanilu mittarfinnik 33,3 procentimik piginneqataanera anginerulersinnaavoq. Kisianni 50 procent qaangerlugu Naalagaaffik piginnittuulersinnaanngilaq. Tamanna Lars Løkke Rasmussenip aamma Kim Kielsenip isumaqatigiissummik atsiugaanni takuneqarsinnaavoq.

Naalagaaffik 700 million koruuninik aningaasaliinissaa pissutaalluni mittarfiit 33,3 procentimik piginneqataaffigissavaat.

NaalagaaffiupKalaallitAirportsA/S-ipNuummiIlulissanilumittarfinnik sanaartornissamut ingerlatsinissamullu ingerlatseqatigiiffiutaanut 450 mio. koruunit tungaanut taarsigasseeqqippoq taarsigassarsinissamut isumaqatigiissut eqqunngitsumik atorneqassappat naalagaaffik isumaqatigiissuteqarnikkut taarsigassanik nammineq aningaasaatinngortitsisinnaanngortillugu. 

Taamaakkaluartoq naalagaaffiup Kalaallit Airports A/S-ip Nuummi Ilulissanilu mittarfinnik sanaartornissamut ingerlatsinissamullu ingerlatseqatigiiffiutaanik piginneqataassutai amerlanerussuteqarsinnaanngillat.

- Taarsigasseeqqinnermut atatillugu pissutsit allat, matumani allanngortitsisinnaatitaaneq (konverteringsretten) ilanngullugu, Kalaallit Airports A/S-ip Nuummi Ilulissanilu mittarfinnik sanaartornissamut ingerlatsinissamullu ingerlatseqatigiiffiutaanit, finansministerimit kiisalu Aningaasaqarnermut Naalakkersuisumit isumaqatigiissutigineqassapput
Sanaartornissamut aningaasartuutit naatsorsuutigigallakkamit amerlaneruppata imaluunniit sanaartornissamut aningaasartuutit ilaat sukkasuumik akilersorneqartariaqassappata naalagaaffik isumaqatigiissuteqarnikkut ingerlatseqatigiffimmut annerusumik taarsigasseeqqissinnaavoq, isumaqatigiissummi allaqqavoq.