Nakuusertoqarnera ersinartoq marlunngornermi ulluinnakkut Katuap eqqaani inuit pisuttarfianni pivoq. Nicolai J. Nissenip saassussineq pillugu Sermitsiaq.AG-mut oqaluttuarniarluni aalajangerpoq.

Qujanartumik pinerluuteqartoq ilisarisimanngikkaa

- Assingusumik siornatigut misigisaqarnikuunngilanga, taamatullu misigisaqaqqinnissara neriuutiginngilara. Kisianni ilisarisimasarinnginnakku nuannaarutigaara, pissutaasorlu aamma suliannut tunngassuteqanngilaq, Nicolai J. Nissen oqaluttuarpoq, taanna politikkimik, immiornermi aamma neriniartarfeqarnermik suliaqarpoq.

Taassuma annertunngitsumik sioorasaarneqarluni misigereerpaa, tamannalu nuanninngilaq. Tamanna eqqarsaatigalugu ilisimanngisani, namminerminut saassussiniartuunngimmat oqiliallaatigaa.

Politiit sukkasuumik aggertut

- Tamanna tassanngaannaq pivoq. Qujanartumik pisullunga aggerninni pølsevognimiittoq politiinut sianereersimammat. Pinerluuteqartormi aqqusinermi perulluliulereersimammat, piffissamilu eqqunngitsumi pisullunga tassuunaarpunga. Kisianni sekundit arlaqanngitsut qaangiummata tikiupput, tamannalu assut allannguivoq, Siumumi politikeri naqissusiivoq, taanna qinersinermut qinigassanngortinnikuuvoq.

- Saassunneqarnerma kingorna tamalaarpunga, kisianni ingerlaannaq ikiorluarneqarpunga. Politiit aamma ambulancet nalinginnaanngilluinnarput. Ajoqusersimasut nakorsiartarfiannit ikiorluarpaannga. Ullumi tassaneeqqippunga, tupinnartumillu iliuuseqarput. Pitsanngoriartupallalereerpunga, kingunerluuteqanngitsumillu iluarsinissara naatsorsuutigaara, taanna oqiliallalluni oqarpoq.

Pitsaasumik aamma misigisaqartoq

Ajoqusersimasut nakorsiartarfiat ajunngilluinnartoq, Nicolai J. Nissenip oqaatigerusuppaa, suleqatigiinnerlu ungasissumi pigaluartoq pitsaasumik misigisaqarfiusoq.

- Politiit sulilluaqaat, malitsigisaanillu toqqississutigisannik periuseqarput, nakuuserfigineqartoq oqaluttuarpoq.

Pinerluuteqartoq tigusarineqarluni suliami unnerluutigineqarpoq, kisianni ippassaq iperagaavoq. Kingorna eqqartuussivimmi sassartinneqassaaq.

Nutaarsiassat

Isuliffimmi sanaartorfissanik sanaartorfigineqariaannanngortunik nalunaarutiginninneq

Kommuneqarfik Sermersuup nalunaarutigaa Isuliffimmi Qinngutsinniittumi nunaminertanik inuussutissarsiornermut atugassanik qinnuteqarnissamut maanna periarfissaalersoq.

Uku pineqarput:...

Aningaasaqarnermut Inuussutissarsiornermullu Ataatsimiititap ataatsimiinnissaa kinguartinneqarpoq

Aningaasaqarnermut Inuussutissarsiornermullu Ataatsimiititap ataatsimiinnissaa apriilip ulluisa 30-anni pisussaagaluartoq kinguartinneqarpoq. Ataatsimiinnissap ullormut allamut nuutinnissaa...