2014-imi uuliasiornissamut 20-t sinnerlugit akuersissutigineqarsimapput tamangajammillu utertinneqarsimallutik. Uuliap akiata apparujussuarnerata kingunerisaanik Kalaallit Nunaanni uuliap annertuumik iluanaarutaaffiunissaa neriutigineqarunnaarpoq.

Isaatitsissutaasinnaasoq

Uulialli akii qaffariaateqarsimapput Naalakkersuisullu 2019-imut aningaasanut inatsisissatut siunnersuummi paasissutissiaraat, orsussat imerpalasut nunamut isaatitsissutigineqarsinnaasut.

Men olieprisen har siden rettet sig, og Naalakkersuisut oplyser i finanslovsforslaget for 2019, at kulbrinteområdet igen kan blive et økonomisk potentiale for landet.

Siunnersuummi allassimavoq, Nuussuup qeqertaasaani uuliaqarsinnaaneranik misissuinissat suliniutigineqassasut, tassani GEUS ujarassiornikkut misissuutinik amerlasuunik uuliamik seeriffiuneranik takutitsisunik katersaqarsimavoq.

Anguniagassatut pilersaarut

Anguniagassatut pilersaarutigineqarpoq, sajuppillatsitsilluni katersineq 2019-imi marsi-maajimi ingerlanneqassasoq. Tamatuma kingorna 2020-mi puilasuliakkut qillerineq atorlugu qillerinermik ilisimatusarfiusumik aallartitsisoqassaaq tamanna ujarlerluni qillerisarnermiit nalinginnaasumit pisariinnerujussuuvoq. Aningaasanut inatsisissatut siunnersuut naapertorlugu suliaqarnerit ukiuni marlunni 10 aamma 38 millioner koruuninik aningaasartuutigineqassapput.

58 millioner koruunit kontomut immikkoortinneqarsimapput, taamaalillutillu 2019-imut aningaasanut inatsimmi IS aamma IST-mut sunniuteqarnaviarnatik

Kinguariartorneq mumisinneqarniartoq

- Kalaallit Nunaani kinguariartorneq anigaasaliisunillu sussakkeerneq mumissappat, ineriartornissaamullu akuussappat, aamma uulia gassimilu periarfissaq uppernassuseqaleqqissappat, tigussaasunik suliniutiliornissaq pingaaruteqarpoq, inatsisissatut siunnersuummi allassimavoq.

Aamma tikkuarneqarpoq, sajuppillatsitsinikkut misissuinernik paasissutissanik katersat “uuliasiortut pilerilersinnissaannut Kalaallit Nunaatalu uuliasiornermi periarfissaanerata ineriartorinnissaanut pingaaruteqarput”