Inuusuttup Kaaleeraq M. Andersenip Siumumi siulittaasoq Kim Kielsen arlaleriarluni isornartorsiortarsimavaa. Taanna isumaqarpoq, namminiilivinniarneq kingaappallaamik ingerlanneqarsimasoq.

Massakkulli piaartumik namminiilivittoqarnissaanik isummersimanini allanngortissimavaa.

-Massakkut nassuerutigisariaqarput Danmark naalagaaffeqatigiinnerlu pinngitsoorsinnaannginnatsigit, taanna tusagassiuutinut nalunaarummi allappoq.

Inatsisartunut qinersisoqarmat Siumut tunuliaqutaralugu qinigassanngortissimavoq, qineqqusaarnermilu peqqinnissaqarfik innarluutillit atugaat namminiilivinnissarlu pingaartitaralugit qineqqusaarpoq.

- Alianaalluinnartoq pilersissinnaananguli neriorsuutigineqarsinnaannilgaq

- Kalaallit Nunaat naalagaaffittut eqqartorneqartillugu, allaaneq ajorpoq namminiilivikkutta suna tamarmi pitsaasumik ingerlalissasoq ajornartorsiutillu tamangajammik iluarsineqassasut. Oqaatigineqartariarporli: “taamaalisoqarsinnaanngilaq”.

Kaaleeraq M. Andersen ullumikkut isumaqarpoq, namminiilivinnissaq ukiut qulit tulliuttut ingerlanerini piviusorsiunngitsoq.