Sermitsiaq.AG-p oqallinnermi malittarisassarititai aamma oqallinnermi atortugut pillugit apeqqutinnut akissutit uani nassaarisinnaavatit.

Sammisat maanna pisut pillugit isummat Sermitsiaq.AG-mi tusarusupparput, oqallinnermullu peqataaffiusumut soqutiginartumut tikilluaqqusivugut.

Ilanngussat oqallinnermi assigiinngisitaartut aamma tamatsinnut paasisaqartitsisut maani pingaartippagut.

Oqaatsit killilersugaannginnerat tapersersorparput, oqallinnermullu peqataanissannut oqaaseqarnissannullu tikilluaqqusaavutit. Oqallinnermili malittarisassagut malissagitit qinnuigaatsigit.

Oqaaseqaateqarniaruit illit Facebookit atorlugu kinaassutsit uppernarsarnissaa piumasaraarput. Tamanna kinaassutsimik isertuussinani ateq asserlu eqqortoq atorlugu inuit oqallinnermut ilanngukkaangamik, pitsaanerusumik oqalliseriaaseqartoqartarnera misilittagarigatsigu. Taamaattumik kikkut tamarmik taamaaliornissaat kaammattuutigaarput. Ateq eqqunngitsoq atorlugu allakkaanni oqallinnermit peqataajunnaartitaasoqarsinnaavoq.

Oqaaseqaatit oqallinnermut malittarisassanik naapertuinngitsut peerneqarsinnaapput.

Oqallinnermut peqataasut oqallinnermut malittarisassanik unioqqutitseqattaartut aamma arlaleriarlutik mianersoqqussummik pissarsisimasut, nalunaarfigeqqaarnagit oqallinnermut peqataaqqissinnaajunnaartinneqarsinnaapput.

Ilanngussat imaattut peerneqarsinnaapput:

• Sioorasaarinernik, eqqunngitsunik pasilliinernik, akorngusersuinernik, nakuusernermut aamma pinerlunnissamut kajumissaarinernik, ammip qalipaataanik immikkoortitsinernik imaluunniit inatsisinik atuuttunik unioqqutitsinernik imaqarpata.
• Inunnut ataasiakkaanut paasissutissanik imallit
• Sakkortuumik oqaasertalimmik allataagunik. Soorlu ilaatigut ajuallatsitsiniutit, inummik saassussineq aamma ingasaassilluni naqinnernik angisuunik atuineq.
• Allaaserisamut tunngassuteqanngitsut imaluunniit kusanaatsumik oqaasertallit (ass. oqaasipiluit).
• Saassussinermik imallit, inuit kikkulluunniit toqunerannik napparsimasunilluunniit nuannaarutiginnittut.
• Inuup qalipaataanut, suiaassusianut, suiaassutsimulluunniit akerliliisunik nakkaarsaanernilluunniit imallit.
• Malugeqqusaarluni allannermi sakkusanik atortoq (ass. naqinnerit angisuut atorlugit torluusersuillunilu).
• Oqallinnermut pisumut tunnganngippat.
• Nittarsaasserpalaartut
• Piginnittussaatitaanermik unioqqutitsineq
• Spamiuppata. Assersuutigalugu oqaaaseqaatit assigiit uteqattaarneqartut.
• Allatut ateqartuusaarluni imaluunniit allaasuusaarluni profilimit allatat.

Illit akisussaaffiit
Illit nammineq kisivit oqaaseqaatinut allatarnut akisussaasuuvutit, kisianni oqaaseqaateqarnissamut malittarisassat unioqqutinneqartillugit Sermitsiaq.AG ilanngussat peerlugit maalaarutinut qisuariartarpoq. Oqaaseqaatit piikkagut ilinnit aamma Facebookimi attaveqarfigisannut suli takuneqarsinnaassapput.

Sermitsiaq.AG-p oqaaseqaatinik nakkutilliisuinit aamma aaqqissuisoqarfianit  oqallinnermi malittarisassat unioqqutinnermik pissuteqarnerata saniatigut oqaaseqaatippit sooq peerneqarsimaneranik, imaluunniit oqallinnermit sooq peerneqarsimanerlutit tunngavilersuiffigitinnissat naatsorsuutigisinnaanngilat.

Ilanngussatit nittartakkami aamma tusagassiorfiup saqqummersittagaani naqitani killeqanngitsumik Sermitsiaq.AG-p atuisinnaanera oqaaseqaateqarnikkut akuerissavat.

Paasissutissat atorneqarsinnaasut

Oqaaseqaammut maalaaruteqarneq
Oqaaseqaateqartarfiup isuani talerpimmi x-ip toorneratigut oqaaseqaat maalaarutigisinnaavat. Oqaaseqaat ilinnut takuneqarsinnaajunnaassaaq.

Oqaaseqaatit tamaasa atuarnissaat
Atuartartup oqaaseqaataa akissuteqarfigineqarluni oqaaseqarfigineqaqattaarpat, oqaaseqaatit siulliit pingasut pingaarnertut oqaaseqaatip ataani ersersinneqartassapput. Oqallinneq tamaat takuniaraanni ’’vis mere’’ toorneqartassaaq.

Apeqqutit aamma akissutit

Oqaaseqaateqarniaruma Facebookinnut isersimaqqaartariaqarpunga?
Aap. Kinaassutsit paaserusupparput. Uani Facebookitaarit.  

Sooruna Facebookimut isersimaqqaartariaqartunga?
Atuisut kinaassusaannik uppernarsaanermut Facebook atugassatut toqqarnikuugatsigu. Kikkut tamarmik Facebookeqanngitsut imaluunniit peqarusunngitsut ilisimavarput, kisianni inuit namminneq atitik atorlugit oqaaseqaatilioraangamik pitsaanerusumik oqallittoqartarnera misilittagaraarput.

Oqaaseqaatit peerneqartillugu qanoq pisoqassava?
Oqaaseqaat peeraangatsigu kikkunnit tamanit takuneqarsinnaajunnaartarpoq. Taamaakkaluartoq oqaaseqaat illit nammineq takusinnaassavat. Inuit illit nammineq attaveqaatinniittut Facebookimut isersimasut aamma allatatit takusinnaassavaat.

Peqqissimitillunga oqaaseqaatiga peersinnaavara?
Aap. Oqaaseqaatip peerniakkappit talerpiani teqeqqumi qullermi x tooruk.

Sooruna oqaaseqaatiga kisitsinermut ilaanngitsoq?
Allaaserisap ataatsip qanoq amerlatigisunik oqaaseqarfigineqarsimaneranik takutitsisoq, taamaallaat pingaarnertut oqaaseqaatit takutittarpai. Illit oqaaseqaatit oqaaseqaammut allamut akissutaappat, allaaserisami oqaaseqaatit amerlassusaanni ilanngunneqarnavianngilaq.

Sooruna oqaaseqaatit pisoqaassusaat malillugit tulleriiaarneqarneq ajortut?
Oqaaseqaatit ussatigineqarnerat aamma akissutit amerlassusaat malillugit tulleriiaarneqartarput. Taamaattumik pisoqaassusaat malillugu tulleriiaarneq ajorput. Kisianni tulleriiaarneqarnerat allanngortinniarukku oqaaseqartarfiup qulaani allanngortissinnaavat.

Oqallinnermit peersinneqaruma susoqassava?
Oqallinnermi malittarisassat unioqqutikkukkit tamanut ammasumik oqaaseqaatiliorsinnaanerit matusinnaavarput. Taamaattorli illit nammineq oqaaseqaatitit suli takusinnaassavatit. Inuit illit nammineq attaveqaatinniittut Facebookimut isersimasut aamma allatatit takusinnaassavaat.

Oqaaseqaatikka uanga Facebookinni takutinneqartassappat?
Aatsaat ’’slå op på profil’’ toqqarukku tamanna pissaaq.

Oqaaseqaateqaruma Facebookera kikkut tamarmik takusinnaassavaat?
Naagga, Facebookit tamanut ammassuuppat allat takusinnaassavaat. Tassani Facebookimi aaqqissuussani toqqagassani toqqarsimasatit apeqqutaapput. 

Oqaaseqaateqarniaruma Sermitsiaq.AG Facebookimi malinnaaffigeqqaartariaqarpara?
Naagga, kisianni Facebookimi quppernitsinnut tikilluaqqusaavutit.

Sooruna oqaaseqaateqarnikuunanga Facebookimi assera takusariga?
Nittartakkami Facebookimut isersimaguit, atit aamma assit oqaaseqaateqarnissannut piareersimasutut takussutissatut nuisasarpoq. Oqaaseqaateqareeruit aatsaat assit aamma atit allanit takuneqarsinnaalissaaq.

Sermitsiaq.AG-p isummersuutikka piiartarpai?
Naagga. Isummat tunuliaqutigalugit piiaaneq ajorpugut. Akerlianik aalajangersimasumik oqariartuutit pillaasarnermut inatsimmik imaluunniit oqaaseqaateqarnermut malittarisassanik unioqqutitsisut peerneqarsinnaapput.

Apeqqutikka uani akineqarsimanngillat.

Piianermut tunngasunik apeqqutinnut akissutisisimanngikkuit, moderator@sermitsiaq.gl allaffigisinnaavat

Apeqqutit Facebookimut tunngassuteqarpat, akissutit amerlanerpaat uani nassaarisinnaavatit

Aaqqissuisoqarfik