Skip to main content

Nuuk Imeq: Immiaaqqanik tunisakinnervoq sodavandinillu tunisaqarnerulersimalluni

Nuuk Imeq 2017-imi sodavandinik tunisaqarneruvoq, immiaaqqanillu tunisakinnerulluni. Ataatsimut isigalugu ingerlatseqatigiiffiup kaaviartitai 900.000 koruuninik qaffariaateqarput, katillugulu 193,9 million koruuninik kaaviaartitaqarsimalluni.

Sodavandinik tunisat 1,6 procentimik qaffariaateqarput, immiaaqqanillu tunisat 0,3 procentimik appariaateqarlutik.

Naatsorsuutini angusat appariartut

Ingerlatseqatigiiffiup ukiumut naatsorsuutaani allassimavoq, akileraatutit ilanngaatingereerlugit angusaq 27,2 million koruuniusoq, tassa 2016-imi naatsorsuutinut sanillunnerini 3,2 million koruuninik appaariaateqarfiulluni.

- Angusat appariarnerinut illuutip nutarsarneqarneranik pissuteqarpoq, Nuuk Imeq tusagassiuutinut nalunaarutaani nassuiaatigineqarpoq.

Siulersuisut

  • Kuupik Vandersee Kleist (siulittaasoq)
  • Jens Peter Philbert, Carlsberg
  • Peter Roland, Royal Unibrew
  • Medarbejdervalgte:
  • Frederik Lange Rasmussen
  • Nuka Ugpernangitsoq

Suliffeqarfik 2017-imi 43-inik piffissaq tamaat sulisartunik sulisoqarpoq. Suliffeqarfillu akileraarutitigut pissarsiatigut sukkullu
akitsuutaatigut pisortat karsianut 2017-imi 39,6 million koruuninik tapersiilluni. Tassani immiaaqqanut sodavandinullu akitsuutit ilanngullugit naatsorsorneqarsimanngillat.

Puut pillugit aaqqissuussineq

Puut  pillugit aaqqissuussinissamik apeqqut suliffeqarfimmit qanimut malinnaavigineqarpoq, tassani aaqqissuussineq maanna atuuttoq “allanik periuseqarsinnaanermut sanilliullugu avatangiisinut
pitsaanerpaajusoq” tikkuarneqarluni.

Puut 97,8 procentii atuisartuniit 2017-imi utertinneqarput, Nuummi maqitsiviup tusagassiuutinut nalunaarutaani paasissutissiarianeqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

MEST LÆSTE

SENESTE NYHEDER