Nuuk: Ikaartarfik nutaaq inissippoq
Ikaartarfissap inissinnissaa ajornartorsiutaalaareersoq maanna ikaartarfik inissippoq
Nuummi ikaartarfissap inissinnissaa ataasinngormat ajornartorsiutaavoq.
Tamannali manna anigorneqarsimaleruttorpoq.
Per Aarsleffimit Jes Olsen Sermitsiaq.AG-mut ilisimatitsivoq annikitsumik immap iluani qaartitsisoqarsimasoq.
- Ataasinngormat suliaq aallartikkatsigu akunnerit 22-it qaangiuttut suliaq naammassivoq. Inuit qulinit 15-it sulinermi peqataapput, Jes Olsen oqarpoq. Immap naqqa ajornartorsiortitsisimanngitsoq ilisimatitsissutigaa.
Maanna ikaartarfiup ikaarfigineqalernissaanut suliassat suliarineqalerput.
Ikaartarfiup suliarineqarnera kingusinaarpoq Polenimi fabrikkimik akiliisinnaajunaartoqarnera pissutigalugu.